Ս. Երրորդութիւն Եկեղեցի (Մալաթիա)

Ս. Երրորդութիւն Եկեղեցի
Հիմնական տեղեկութիւններ
Ճարտարապետական նկարագրութիւն
Առանձնայատկութիւններ

Ս. Երրորդութիւն Եկեղեցի (Թաշխորան), հայ պատմական տաճար, ուր Մալաթիոյ շրջանի հայերը իրենց պաշտամունքը կատարած են։ Այժմ՝ «Թաշխորան» անուանեալ պատմական սրբավայրը, մշակոյթի կեդրոնի կարգավիճակ ստացած է։

Պատմական ակնարկ

Մալաթիոյ Սուրբ Երրորդութիւն Հայ Եկեղեցւոյ շինութիւնը 1878-ին յոյն ճարտարապետի մը եւ Հայ քարագործներուն աշխատութեամբ սկսած է։ Շինութիւնը 1893-ին աւարտած է։

1893-ի երկրաշարժին եկեղեցւոյ գմբեթը փլած է։

1905-1907 տարիներուն միջեւ եկեղեցին կը վերանորոգուի։ 1915-էն ետք եկեղեցին, իբրեւ զօրանոց եւ բանտ կը գործածուի։ 1969-ի հրդեհին` եկեղեցւոյ գմբէթը կ'այրի։ Եկեղեցին երկար ժամանակ աւերակ կը մնայ։

2010-ին Մալաթիոյ Կուսակալ Ուլվի Սարանի հրահանգով եկեղեցւոյ վերանորոգումը կը ծրագրուի։ 2012-ին եկեղեցւոյ շինութիւնը կը սկսի։ Գիտարուեստական հարցերուն եւ պիւտճէի անկարողութեան պատճառաւ շինութիւնը կանգ կ'առնէ։ 2021-ին Մալաթիոյ Քաղաքապետը Սելահաթթին Կիւրքանի առաջնորդութեամբ վերանորոգումը կ'աւարտի։ Մալաթիոյ «ՀԱՅՏԵՐ» միութիւնը, վերանորոգումի ընթացքին պաշտօն կը ստանձնէ։ «ՀԱՅՏԵՐ» միութիւնը եկեղեցւոյ խորանի եւ մկրտարանի վերանորոգումին նիւթական նեցուկ կը կանգնի: