Սքորբիոս, Լեֆքատա

Կղզի
Սքորբիոս, Լեֆքատա
Σκορπιός Λευκάδας
Սքորբիոս
Երկիր	Յունաստան
Տարածութիւն	0,878 քմ²
ԲԾՄ	81 մեթր, 25 մեթր
Բնակչութիւն	1 մարդ (2011), 3 մարդ (2021) և 2 մարդ (2001)
Կը գտնուի ափին	Յոնեական ծով

Յոնեական ծով, Սքորբիոս․ Լեֆքատային արեւելքը

Սքորբիոս․ Յոնեական ծովուն կղզիակ, մաս կը կազմէ Թիլեվոյիդես կղզեխումբին, Փրիկիբոնիսիա։ Կը գտնուի Լեֆատային արեւելքը, հանրածանօթ զբօսաշրջիկութեան կեդրոն՝ Նիդրիին դիմացը։ Կղզին 1963-ին կը գնէ յոյն նաւատէր Արիսթոթելիս Օնասիս։ Ան կղզին կ՛օգտագործէ իբրեւ անձնական հանգստարան։ Կը վերանորոգէ կղզիին վրայ գտնուող ԺԹ․ դարու առանձնատունը, ինչպէս նաեւ կը կառուցէ քանի մը փոքր շէնքեր եւ սեփական նաւահանգիստ մը, ուր երկար տարիներ իր Խրիստինա զբօսանաւին նաւակայանն էր։

Կղզիին վրայ կայ ընտանեկան գերեզմանատունը, ուր թաղուած են Արիսթոթելիս Օնասիս, մանչը՝ Ալեքսանդրոս Օնասիս եւ դուստրը՝ Խիրստինա Օնասիս։

Խրիստինային մահէն ետք, անոր աղջիկը՝ Աթինա Ռուսել-Օնասիս, կղզին կը վարձէ մեծահարուստ ռուս Տմիթրի Ռիպոլովլեֆին, հակառակ անոր թէ Օնասիս իր կտակին մէջ յստակօրէն նշած էր թէ կղզին պիտի վերադարձուի յունական պետութեան։

Կանաչապատ կղզի է եւ տարածութիւնն է 0,878ք²։

Սքորփիոս եւ անոր հիւսիսի ծոցին մէջ՝ Սքորբիդի կղզիակը

Պատկերասրահ

• 
  Սքորբիոս․ դիտուած Լեֆքատային լեռներէն
• 
  Սքորբիոս․ նաւակայքը
• 
  Սքորբիոս
• 
  Սքորբիոս
• 
  Սքորբիոս
• 
  Սքորբիոս, մատուռը
• 
  Սքորբիոս կղզիակ

Տե՛ս նաեւ

• Փրիկիբոնիսիա Լեֆքատաս (կղզեխումբ)
• Թիլեվոյիդես
• Մեղանիսի