Jump to content

Սրճակաթ

Սրճակաթ[1][2] (ֆրանսերէն՝ café au lait), տաք սրճային ըմպելիք, որ կը պատրաստուի սուրճի բաժնին տաք կաթով խառնելով:

Անուն եւ պատրաստում

[Խմբագրել | Խմբագրել աղբիւրը]

Այս սրճատեսակի անունը եւ պատրաստման գործընթացը կը տարբերի տարբեր երկիրներու մէջ:

Սկիհներ, որ կը գործածուին Ֆրանսայի մէջ սրճակաթը մատուցելու համար

Եւրոպական երկիրներու մէջ սրճակաթը յայտնի է տարբեր անուններով՝ «café con leche» Սպանիոյ, «kawa biała» (սպիտակ սուրճ) Լեհաստանի, «Milchkaffee» (կաթնասուրճ) Գերմանիոյ, «koffie verkeerd» (սխալ սուրճ) Նիտըրլենտի մէջ: Հիւսիսային Եւրոպայի մէջ ամէնէն շատ տարածուած է անունին ֆրանսական տարբերակը՝ «café au lait»:

Իր հայրենիքին մէջ ըմպելիքը կը պատրաստուի սեւ սուրճէ եւ նախապէս տաքացուած կաթով: Էսպրեսոյի մեքենաներու համբաւին ետք 1940-ական թուականներուն, սրճակաթը պատրաստելու համար աւելի յաճախ կը գործածուի էսպրեսո:

Սրճակաթը կը մատուցուի «ֆրանսական ձեւով» (տարբեր իտալական լաթթէէն). սպիտակ խեցեղէնի բաժակով կամ սկիհով (լաթթէն սովորաբար կը մատուցուի բարձր բոկալով): Այս պարագային սրճակաթը կրնայ պատրաստուիլ ինչպէս էսպրեսոյի, այնպէս ալ սեւ սուրճի հիման վրայ, մինչդեռ լաթթէն կը պատրաստուի միայն էսպրեսոյէ:

ԱՄՆ-ի մէջ սրճակաթը կը պատրաստուի սեւ սուրճէ, որ կը պատրաստուի կաթիլային եղանակով կամ ֆրենչ-պրեսով եւ տաքացուած գոլորշիով կաթով, ինչ որ կը տարբերէ այն լաթթէէն, որ կը պատրաստուի էսպրեսոյի հիման վրայ: Սրճակաթը մեծ մասամբ կը մատուցուի բաժակով (բացի անոնց որ կը մատուցեն այս ըմպելիքը սկիհով՝ ֆրանսական ձեւով):

Հիւսիսային Ամերիկայի մէջ սրճակաթը յայտնի է ֆրանսական անունով՝ «café au lait»: Միաժամանակ, որոշ սրճարաններ (ինչպիսին է Starbucks) կը մատուցեն զայն «միստո» (անգլերէն՝ misto) անունով եւ թափանցիկ ապակիէ բաժակներով[3]:

Ծանօթագրութիւններ

[Խմբագրել | Խմբագրել աղբիւրը]
  1. «Նոր Բառգիրք Հայ-անգլիարէն, Հայր Մատաթեայ Վարդապետ Պետրոսեան - սրճակաթ»։ www.nayiri.com։ արտագրուած է՝ 2025-01-24 
  2. «Հայոց լեզվի հոմանիշների բացատրական բառարան, Աշոտ Մուրադի Սուքիասյան - սրճակաթ»։ www.nayiri.com։ արտագրուած է՝ 2025-01-24 
  3. «Caffè Misto | Starbucks Coffee Company»։ web.archive.org։ 2019-06-10։ արխիւացուած է բնօրինակէն-էն՝ 2019-06-10-ին։ արտագրուած է՝ 2025-01-24