Գուսան Հայկազուն

Կաղապար:ԱՀԿաղապար:Տեղեկաքարտ Անձ (արեւմտահայերէն) Գուսան Հայկազուն( 1951 թուականի Ապրիլ 20, Արտաշատ, Հայկական ԽՍՀ), իսկական անունը Գագիկ Ստեփանի Նազարեան, հայ գուսան, երգահան, երգերի հեղինակ, «Հայկազունք» երաժշտական համոյթի գեղարուեստական ղեկավար, Հայաստանի Հանրապետութեան մշակոյթի վաստակաւոր գործիչ, Արցախեան պատերազմի մասնակից, «Երկրապահ» կամաւորներու միութեան անդամ:

Կենսագրութիւն

Վաղ տարիներ

Գագիկ Ստեփանի Նազարեանը ծնած է 1951 թուականին Ապրիլի 20-ին Արտաշատ քաղաքին մէջ, Հայկական ԽՍՀ։ Ընտանիքին մէջ կար նաև երեք քույր։ Արմատները Պարսկահայքի Խոյ քաղաքէն են։ Վաղ հասակին կորսնցուցած է իր հայրը։

Արդէն դպրոցական տարիներուն սկսած է գրել հայրենասիրական և սիրային երգեր: Ըստ գուսանի, Րաֆֆի Հարութիւնեան անունով դասատուի շնորհիւ է նաև, որ ան սկսաւ հայրենասիրական երգեր գրելու։ Աւարտած է դպրոցը 1967 թուականին, ատկէ ետք ընդունված է Երևանի շինարարական տեխնիկումը։ Մասնագիտութեամբ շինարար-ինժիներ է։

Ըստ գուսանի, իր ստեղծագործութիւնները պայքարի կոչ են և այնտեղ «լացելու» մոտիւներ չկան Իր «Հայկազունք» երաժշտական համոյթի հետ ամէն տարի Հայաստանի աւելի քան 40 դպրոցներուն մէջ համերգներ է կու տայ ինչպէս նաև տարին քանի մը անգամ սփիւռքին մէջ:

Արցախեան շարժում

Մասնակցած է Արցախեան պատերազմին Արտաշատի «Երկրապահ» ջոկատին Մհեր Սաղաթելեանի հրամանատարութեան տակ: Մարտական գործողութիւնները սկսած է Երասխ գիւղէն, եղած է նաև Գետաշենէն, Կապանէն, Գորիսէն, Բերձորէն։ Ծանր մարտերուն չի մասնակցիր, քանի որ իր հրամանատարը նախընտրած է, որ գուսանը շարունակէ նոր երգեր գրել։ Շատ երգեր գրած է անմիջապես մարտի դաշտնէն։ Ըստ գուսան Հայկազունի, ան մէկ անգամ տեսած է մինիին։ Հետագային, մոտիկ շփուած է Մելքոնեանի կնոջ՝ Սեդայի հետ և մինչև հիմա կապ պահած է անոր ընկեր՝ Ալեք Ենիգոմշեանի հետ։ Առաջին օրերուն միանալով Արցախեան շարժմանը, մեկ շաբաթուայ ընթացքին գրած է իր առաջին՝ «Հայեր, միացէք» երգը։ Առաջին անգամ կատարած է այն Մայիսի 17 1988 թուականին:

Երգեր

Գրած է և կատարած է աւելի քան հարիւր երգ, որոնցմէ աւելի քան 10 երգ ՀՀ Պաշտպանութեան Նախարարութիւնը ընդունած է որպէս բանակային քայլերգ

• Հայեր, միացէք
• Գետաշէն
• Հպարտ գնացեք (1992)
• Մուսա լեռան
• Վերականգնվիր, Կիլիկիա
• Պիտի գնանք (1989)
• Մաղավուզի Կարոյի երգը
• Պարիր, արցախցի
• Մոնթէ Մելքոնեան

Ընտանիք

Հայրը՝ Ստեփան Նազարեան։ Ունի երեք քոյր, երեք որդի (որոնցմէ Սիփան Նազարեանը՝ Սիփանը Հայկազունը, երգիչ է) և մեկ դուստր:

Պարգեւներ

• Հայաստանի Հանրապետության մշակոյթի վաստակաւոր գործիչ
• ՀՀ Սփիւռքի նախարարութեան Ոսկէ մետալ և շնորհակալագիր

Հետաքրքիր փաստեր

• «Պիտի գնանք» երգը (1989) գուսան Հայկազունի համար ամենասիրածն է իր երգերէն։
• Գուսանը ծանօթ չէ նոտաներուն, չունի երաժշտական կրթութիւն, չի կատարեր ոչ մէկ երաժշտական գործիքով

Արտաքին յղումներ

• Գուսան Հայկազունի անձնական էջը Ֆեյսպուքի մէջ
• «Արա՛, Գագո՞ն ով է…այդ մեր պապերի երգն է…»
• «Սելը չի ճռռում, սելվորն է ճռռում». Գուսան Հայկազունի մեկնաբանութիւնը Սահակ Սահակեանի հետ հարցազրոյցի վերաբերեալ