Ակօս

Ակօս (թրք.՝ Agos), 1996 թուականէն Սթամպուլի մէջ հրատարակուող երկլեզու հայ ամսաթերթ է։ Կը տպուի հայերէնով եւ թրքերէնով։

Հիմնուած է 1996 թուականին Հրանդ Տինքի եւ խումբ մը ընկերներու կողմէ, թուրքիաբնակ հայերու խնդիրները հասարակութեան փոխանցելու նպատակով։ «Ակօս» Հանրապետութեան շրջանի առաջին հայերէն-թուրքերէն երկլեզու լրագիրն է։ Ժողովրդավարութիւնը, փոքրամասնութիւններու իրաւունքները, անցեալի հետ առերեսումը, Թուրքիայէն ներս բազմազանութեան պահպանումը եւ զարգացումը հրատարակութեան գլխաւոր նախադրեալներն են։ Թուրքիոյ հայ հասարակութեան ծոցէն եկող թերթը մտադիր է Թուրքիոյ եւ համաշխարհային խնդիրներուն աւելի շատ տեղ տալ իր էջերուն մէջ։ Թուրքիոյ մէջ հետզհետէ կը նօսրանայ անկախ լրատուութեան եւ խօսքի ազատութեան տարածքը։ «Ակօս»ը այդ տարածքին վրայ ազատ երկխօսութեան գործօն մըն է։

Հրանդ Տինքի մահէն ետք, խմբագիրն է անոր որդին՝ Արաթ Տինքը։