Սուրէն Խանամիրեան
| Սուրէն Խանամիրեան | |
|---|---|
| Ծնած է | 28 Փետրուար 1924 |
| Ծննդավայր | Պէյրութ, Լիբանան |
| Մահացած է | 6 Նոյեմբեր 2014 (90 տարեկանին) |
| Մահուան վայր | Պէյրութ, Լիբանան |
| Մասնագիտութիւն | քաղաքական գործիչ |
| Վարած պաշտօններ | երեսփոխան |
Սուրէն Խանամիրեան (28 Փետրուար 1924, Պէյրութ, Լիբանան - 6 Նոյեմբեր 2014, Պէյրութ, Լիբանան), հայկական երեսփոխանական պլոքի երկար տարիներու անդամ, երեսփոխան եւ ազգային բարերար։
Կենսագրական գիծեր
[Խմբագրել | Խմբագրել աղբիւրը]Ծնած է Պէյրութ: Նախակրթութիւնը ստացած է Ազգային Ս. Նշան վարժարանին մէջ. համալսարանական ուսումը ստացած է Սեն Ժոզեֆ համալսարանի իրաւաբանութեան բաժանմունքին մէջ:
Գործունէութիւն
[Խմբագրել | Խմբագրել աղբիւրը]1950-ականներուն ուսուցիչ եղած է Ս. Նշան վարժարանին մէջ:
1960-1996 եղած է Լիբանանի խորհրդարանի անդամ` Հայկական երեսփոխանական պլոքին կողմէ[1]: Խանամիրեան երկար տարիներ եղած է Ազգային գաւառական ժողովի անդամ:
1972-1974 Լիբանանի զբօսաշրջութեան նախարար եղած է, իսկ 1989-1990` ուժանիւթի նախարար:
Մասնակցած է Լիբանանեան տագնապի լուծման միտող Ժընեւի խորհրդաժողովին, որուն ընթացքին լիբանանահայ համայնքը ընդունուած է իբրեւ Լիբանանի 7 մեծագոյն համայնքներէն մէկը:
Դերակատարութիւն ունեցած է Լիբանանի քաղաքացիական պատերազմի օրերուն Պուրճ Համուտի մէջ հակամարտ կողմերուն միջեւ հարցերու լուծման մէջ: Ան Համազգայինի Կեդրոնական վարչութեան անդամ եղած է: 1950-ականներուն սկիզբէն անդամ եղած է ՀԲԸՄ-ի:
Հիմնադիր անդամ եղած է Լիբանանի ձիավարութեան առաջին ակումբին (Լ՛էփերոն):
1950-ականներուն վերջը անդամ եղած է «Հայկ Քլապ»-ի: Խանամիրեան Լիբանանեան-հայկական բարեկամութեան ընկերակցութեան անդամ եղած է, ինչպէս նաեւ «Միտըլ Իսթ» օդանաւային ընկերութեան տնօրէն խորհուրդի նախկին անդամ:
Մեծի Տանն Կիլիկիոյ կաթողիկոսութեան Ազգային Կեդրոնական վարչութեան անդամ եղած է[2]:
Պարգեւներ
[Խմբագրել | Խմբագրել աղբիւրը]Պարգեւատրուած է Ազգային բարերարի եւ «Կիլիկոյ իշխան» շքանշաններով` Մեծի Տանն Կիլիկիոյ Խորէն Ա. կաթողիկոսին կողմէ:
1962-ին պարգեւատրուած է Լիբանանի նախագահ Ֆուատ Շեհապի կողմէ` Մայրիներու Ասպետի կարգի շքանշանով[2]:
Ծանօթագրութիւններ
[Խմբագրել | Խմբագրել աղբիւրը]- ↑ «سورين خاناميريان Obituary»։ Khoolood (արաբերէն)։ 2014-11-06։ արտագրուած է՝ 2025-08-28
- 1 2 «Հայկական Երեսփոխանական Պլոքի Երկար Տարիներու Անդամ Սուրէն Խանամիրեան Ոչ Եւս Է - Aztag Daily»։ archive.aztagdaily.com։ արտագրուած է՝ 2025-08-28