Սուրբ Հաղորդութեան Գաւաթ (1864, Թալին)
 | |
|---|---|
| բարձրութիւն | 26 սանտիմետր |
| կայք | |
Սուրբ հաղորդութեան գաւաթ (անգլ.՝ Holy Communion Goblet, սկիհ), քրիստոնէեական եկեղեցւոյ ծիսակատարութեան ժամանակ օգտագործուող սպասքի տարր։ Կը գտնուի Հայաստանի պատմութեան թանգարանի հաւաքածոյին մէջ։
Նկարագրութիւն
[Խմբագրել | Խմբագրել աղբիւրը]Եկեղեցական սպասքի տարր համարուող սկիհը ունի փոքր նստուկ, բարձր պատուանդան եւ կափարիչ (մաղզմայ), պատրաստուած է արծաթէ, գաւաթը ներսէն ոսկէզօծուած է։ Գաւաթի զարդայարդարումը առնուած է դրուագման եւ փորագրման եղանակով։ Սկիհի պատուանդանի հիմքը ժապաւէնաձեւ լայն գօտիի վրայ քանդակուած են բուսական զարդանախշեր, հիմնական պատուանդանի վրայ 13 խորաններու մէջ դրուագուած է Քրիստոսը իր 12 աշակերտների հետ։ Առաքեալները պատկերուած են դիմահայեաց, լուսապսակով, ձեռքերուն՝ Սուրբ Գիրքը։ Խորաններու եզրերուն վրայ դրուագուած են բուսական նախշեր։ Պատուանդանը գաւաթին միացած է գունդով, որ զարդարուած է հրեշտակներով, բուսական զարդաձեւերով եւ ձեւաւոր ունկերով։ Գաւաթի եզրին մէկ տողի վրայ փորագրուած է թուակիր արձանագրութիւն՝
|
Ի վայիլումն տ(է)ր Պօղոս Ք(ա)հ(անայ)ի. 1864: | 
|
Պատմութիւն
[Խմբագրել | Խմբագրել աղբիւրը]Սկիհը կ՚օգտագործուի Սուրբ Պատարագի ընթացքին՝ Սուրբ հաղորդութեան ժամանակ։ Այնտեղ նուիրագործելու համար կը լեցնեն կարմիր անապակ գինի, որ Սուրբ պատարագի միջոցով կը սրբագործուի եւ կը խորհրդանշէ Քրիստոսի արիւնը։ Սկիհը կը խորհրդանշէ այն գաւաթը, որմով Յիսուսը, օրհնելով գինին Խորհրդաւոր ընթրիքի ժամանակ, տուաւ առաքեալներուն հաղորդուելու[1]։
Ծանօթագրութիւններ
[Խմբագրել | Խմբագրել աղբիւրը]Այս յօդուածի կամ անոր բաժնի որոշակի հատուածի սկզբնական տարբերակի նիւթը տրամադրուած է Հայաստանի պատմութեան թանգարանի կողմէ ԳԼԱՄ ծրագրի շրջանակներուն։  |