Սոցիալիստական Գիւղատնտեսութիւն (Պարբերական)

«Սոցիալիստական Գիւղատնտեսութիւն», խորհրդային շրջանի գիւղացիական օրաթերթ (մինչեւ 1932 ՝ երկօրեայ), ՀԽՍՀ հողժողկոմատի, Կոլտնտկեդրոնի եւ Հայջրտնտեսութեան օրգան։ Լոյս տեսած է 1931 - 1935 թուականներուն, Երեւանի մէջ։ Յաջորդած է «Մաճկալին»։ Թերթը խմբագրած է Վախթանգ Անանեանը։

Տպագրած է ՀամԿ(բ)կ Կենտկոմի, Անդրերկոմի եւ ՀԿ(բ)կ Կենտկոմի որոշումները գիւղատնտեսութեան վերաբերեալ, կուսակցական եւ պետական գործիչներու ելոյթներ։ Պրոպագանդած է գիւղատնտեսութեան կոլեկտիւացումը ԽՍՀՄ-ի մէջ, կոլտնտեսային արտելի կանոնադրութիւնը։

Նպաստած է նաեւ գիւղատնտեսական գիտելիքներու տարածման, անդրադարձել գիւղական համայնքներում խորհրդային կրթական համակարգի ներդրման։ Ունեցած է նաեւ հարուստ գրական բաժին, ուր տպագրուած են Նայիրի Զարեանի, Խնկօ Ապօր, Յովհաննէս Շիրազի, Աղաւնիի եւ այլոց գործերը։

«Սոցիալիստական Գիւղատնտեսութիւն» օրաթերթին յաջորդած է «Կոլխոզնիկ» (1935-ին, Երեւան) թերթը։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։