ՍիվիլՆէթ
| ՍիվիլՆէթ ՍիվիլՆեթ և CivilNet | |
|---|---|
| Տեսակ | առցանց լրատուամիջոց |
| Լեզու | հայերէն, անգլերէն, ռուսերէն |
| Հիմնադրուած է | 21 Սեպտեմբեր 2011 |
| Հիմնադիր |
Վարդան Օսկանեան Սալբի Ղազարեան |
| Երկիր |
 Հայաստան |
| Կայք | civilnet.am(հայ.) |
ՍիվիլՆէթ (CivilNet), հայաստանեան առցանց հեռուստատեսութիւն։ Կը լուսաբանէ Հայաստանի մէջ մարդու իրաւունքներու, ժողովրդավարութեան, տարածաշրջանային խաղաղութեան եւ Սփիւռքի խնդիրները։ Բովանդակութիւն կը թողարկէ հայերէն, անգլերէն եւ ռուսերէն լեզուներով։
ՍիվիլՆէթի տնօրէնը Աբրահամ Պօղիկեանն է, գլխաւոր խմբագիրը՝ Կարէն Յարութիւնեանը։
Պատմութիւն
[Խմբագրել | Խմբագրել աղբիւրը]ՍիվիլՆէթը Սիվիլիթաս հիմնադրամի ծրագիր է, որ կը գործէ 21 Սեպտեմբեր 2011-էն։ Սիվիլիթաս հիմնադրամն ստեղծուած է 2008-ին՝ Հայաստանի նախկին արտգործնախարար Վարդան Օսկանեանի եւ հիմնադիր-տնօրէն Սալբի Ղազարեանի կողմէ։
Իր գործունէութեան ընթացքին ՍիվիլՆէթը տարբեր ծրագիրներու շրջանակին մէջ համագործակցած է տեղական, միջազգային եւ սփիւռքեան բազմաթիւ կազմակերպութիւններու ու անհատներու, ինչպէս նաեւ կառավարական հաստատութիւններու հետ[1]։
ՍիվիլՆէթը ունի լրագրողական էթիկայի կանոնագիր[2], աշխատակիցներու սոցիալական մետիայի ուղեցոյց[3] եւ քանի մը այլ ուղեցոյցներ[4]։
Մրցանակներ
[Խմբագրել | Խմբագրել աղբիւրը]ՍիվիլՆէթը իր գործունէութեան ընթացքին արժանացած է շարք մը մրցանակներու։
28 Սեպտեմբեր 2012-ին Ինֆորմացիայի ազատութեան կեդրոնի «Ոսկէ բանալի եւ ժանգոտ կողպէք» ամէնամեայ մրցանակաբաշխութեան ժամանակ անկախ ժիւրին Ոսկէ բանալին՝ որպէս բաց եւ լաւ աշխատանքի խորհրդանիշ, շնորհած է ՍիվիլՆէթին՝ որպէս տեղեկատուութեան ազատութեան հիմնահարցերը ամանաաշխոյժ լուսաբանած լրատուամիջոց[5]։
2015-ին ՍիվիլՆէթը արժանացած է Հայաստանի երիտասարդ իրաւաբաններու ասոցիացիայի «Տարուայ ԶԼՄ» մրցանակին[6]՝ «Քո գրպանից» հաղորդաշարի շրջանակին մէջ պետական գնումներու ոլորտին մէջ կոռուպցիոն խնդիրները վերհանելու համար, ինչպէս նաեւ նորուեգական Fritt Ord եւ գերմանական Zeit-Stiftung հիմնադրամներու համատեղ Ազատ մամուլի մրցանակին (Free Media Award)՝ 2019-ին[7]։
Freedom House-ի «Մետիան եւ ազատութիւնը-2019» զեկոյցին մէջ նշուած է ՍիվիլՆէթի՝ որպէս անկախ լրատուամիջոցի դերը նախորդող տարին Հայաստանի մէջ տեղի ունեցած ցոյցերու լուսաբանման գործին մէջ։ Զեկոյցին մէջ կ՚ըսուի, որ լրատուամիջոցները (ինչպէս՝ ՍիվիլՆէթը) օգնեցին կասեցնել նախկին ռեժիմի կողմէ տարածուող ապատեղեկատուութիւնը[8]։
Ծանօթագրութիւններ
[Խմբագրել | Խմբագրել աղբիւրը]- ↑ «ՍիվիլՆեթի գործընկերներ»։ www.civilnet.am։ ՍիվիլՆեթ
- ↑ «ՍիվիլՆեթի էթիկայի կանոնագիր»։ www.civilnet.am։ ՍիվիլՆեթ
- ↑ «ՍիվիլՆեթի աշխատակիցների սոցիալական մեդիայի ուղեցույցը»։ www.civilnet.am։ ՍիվիլՆեթ
- ↑ «ՍիվիլՆեթի՝ տվյալների ստուգման ուղեցույցը»։ www.civilnet.am։ ՍիվիլՆեթ
- ↑ dev_foi (2012 թ․ սեպտեմբերի 28)։ «Միայն ոսկե բանալիներ էին. Ժանգոտ կողպեք չտրվեց առաջին անգամ»։ Ինֆորմացիայի ազատության կենտրոն (hy-AM)։ արտագրուած է՝ 2024 թ․ փետրվարի 9
- ↑ «Հակակոռուպցիոն մրցանակաբաշխություն 2015»։ armla.am։ Իրավաբանների հայկական ասոցացիա։ 2015 թ․ դեկտեմբերի 9
- ↑ «THE FREE MEDIA AWARDS 2019»։ Fritt Ord (գրքային նորվեգերեն)։ արտագրուած է՝ 2024 թ․ փետրվարի 9
- ↑ «Media Freedom: A Downward Spiral»։ Freedom House (անգլերեն)։ արտագրուած է՝ 2024 թ․ փետրվարի 9