Սեւան (թերթ, Աթենք)

«Սեւան», քաղաքական, հասարակական եւ գրական թերթ։ Լոյս տեսած է 1933-1936 թուականներուն, Աթէնքի մէջ, անկանոն պարբերականութեամբ։ Խմբագիր՝ Մ․ Դարբինեան։ Հանդէս եկած է սփիւռք-հայրենիք կապերու ամրապնդման եւ ներգաղթի օգտին։ Տպագրած է Խորհրդային Միութեան եւ Խորհրդային Հայաստանի տնտեսութեան ու մշակոյթի անցուդարձին վերաբերող յօդուածներ, հանրապետութեան կուսակցական եւ պետութեան ղեկավար գործիչներու (Աղասի Խանճեան, Ս․ Տէր-Գաբրիէլեան եւ ուրիշներ) ճառերն ու զեկուցումները։

Լուսաբանած է յունահայ գաղութի կեանքը, ՀՕԿ-երու, ՀԲԸՄ գործունէութիւնը։ Անդրադարձած է միջազգային քաղաքական իրադարձութիւններուն, անհանգստութիւն յայտնած գերմանական ֆաշիզմի հակասովետական եւ հակակոմունիստական ելոյթներու վերաբերեալ։

Ունեցած է հարուստ գրական-հրապարակախօսական բաժին, ուր հանդէս եկած են Վ․ Դաքեսեանը, Ա․ Պոյաճեանը, Ե․ Արմէնեանը, Վահան Թէքէեանը, Արշակ Չօպանեանը, Կ․ Սիտալը, Զ․ Պոյաճեանը, Ս․ Աելեանը, Եղիշէ Չարենցը, Ակսել Բակունցը, Գուրգէն Մահարին եւ ուրիշներ։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։