Սերկէյ Աղապապով
| Սերկէյ Աղապապով | |
|---|---|
| Ծնած է | 25 Հոկտեմբեր 1926[1][2] |
| Ծննդավայր | Մախաչկալա, ՌԽՖՍՀ, Խորհրդային Միութիւն[1][2] |
| Մահացած է | 23 Հոկտեմբեր 1959[1][2] (32 տարեկանին) |
| Մահուան վայր | Վնուկովո, Վնուկովո, Արեւմտեան վարչական շրջան, Մոսկուա, Խորհրդային Միութիւն |
| Քաղաքացիութիւն |
 Խորհրդային Միութիւն |
| Ազգութիւն | Հայ[1][2] |
| Ուսումնավայր | Q4285684? և Մոսկուայի երաժշտանոց[1] |
| Տեսակ | դասական երաժշտութիւն |
| Մասնագիտութիւն | երգահան |
Սերկէյ Աղապապով (25 Հոկտեմբեր 1926[1][2], Մախաչկալա, ՌԽՖՍՀ, Խորհրդային Միութիւն[1][2] - 23 Հոկտեմբեր 1959[1][2], Վնուկովո, Վնուկովո, Արեւմտեան վարչական շրջան, Մոսկուա, Խորհրդային Միութիւն), հայազգի երգահան:
Կենսագրական գիծեր
[Խմբագրել | Խմբագրել աղբիւրը]Ծնած է Տաղստանի ինքնավար հանրապետութեան (Ռուսաստան) մայրաքաղաք Մախաչկալայի մէջ։
1951-ին աւարտած է թէ՛ Տաղստանի բժշկական հիմնարկը, ինչպէ՛ս նաեւ Տաղստանի երաժշտական ուսումնարանը։
Ընտրելով երաժշտութիւնը իբրեւ իր կեանքի ուղղութիւնը, 1952-ին մտած է Մոսկուայի Չայկովսկիի անուան երաժշտանոցը, զոր աւարտած է 1956-ին։
Այնուհետեւ, յետ աւարտական ուսումը շարունակած է նոյն երաժշտանոցին մէջ։
1954-ին, Տաղստանի երգահաններու միութեան առաջին կազմի անդամ եղած է։
Աղապապով նպաստած է Տաղստանի երաժշտական մշակոյթի զարգացմանը: Գրած է սուիթ (1951)․
- «Պոէմ-ռապսոդիա» ջութակի եւ դաշնակի համար (1959),
- «Տաղստանեան սուիթ» համանուագային նուաագախումբի համար (1954),
- «Անցեալի բանաստեղծութենէն» (1957-58),
- «Հայկական բանաստեղծութենէն» (1957-58) ձայնային շարքերը եւ քանթաթներ։
Տաղստանի մէջ հանրաճանաչ են անոր հեղինակած երգերը[3]:
Մահը
[Խմբագրել | Խմբագրել աղբիւրը]23 Հոկտեմբեր, 1959ին, իր 33րդ տարեդարձէն երկու օր առաջ, այս խոստմնալից երգահանը ճամբորդած է Պաքու-Մոսկուա թռիչքով։ Օդանաւը կանգ պիտի առնէր Մախալչակալա, Աստրախան եւ Ստալինկրատ (այժմ՝ Վոլկոկրատ)։ Եղանակի խանգարման պատճառով, օդանաւը չէ յաջողած էջք կատարել, վերադառնալով Ստալինկրատ։ Չորս ժամ ետք, 14 ժամ հանգիստ չըրած օդաչուները, երկրորդ անգամ ճամբայ ելած են դէպի Մոսկուա։ Սակայն, օդակայանը մօտենալու ժամանակ, օդանաւը դպած է ծառերուն, անտառ ինկած ու այրած։ Միայն մէկ ճամբորդ վերապրած է, իսկ անձնակազմի 5 անդամներն ու միւս 23 ուղեւորները, որոնց շարքին էր երգահան Սերկէյ Աղապապով, մահացած են[3]։
Կոչում
[Խմբագրել | Խմբագրել աղբիւրը]1960-ին յետմահու արժանացած է Տաղստանի արուեստի վաստակաւոր գործիչի կոչման[3]:
Ի յիշատակ
[Խմբագրել | Խմբագրել աղբիւրը]Սերկէյ Աղապապովի անունը ոսկէ տառերով դրոշմուած է Տաղստանի երգահաններու միութեան շէնքի դիմացի մարմարէ քարին վրայ։ Երկու քաղաքներու երաժշտական դպրոցները կը կրեն անոր անունը, ինչպէս եւ Մախաչկալայի մէկ փողոցը:
Դեկտեմբեր 2010-ին յուշատախտակ մը զետեղուած է Մախաչկալայի այն շէնքին առջեւ, ուր ծնած եւ մեծցած է երգահանը[3]։
Ծանօթագրութիւններ
[Խմբագրել | Խմբագրել աղբիւրը]- 1 2 3 4 5 6 7 8 Հայկական սովետական հանրագիտարան / խմբ. Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 2000.
- 1 2 3 4 5 6 7 Հայկական համառոտ հանրագիտարան — Հայկական հանրագիտարան հրատարակչություն, 1990. — հատոր 1.
- 1 2 3 4 armprelacy (2021-10-21)։ «ՍԵՐԳԷՅ ԱՂԱԲԱԲՈՎ (մահ՝ 23 Հոկտեմբեր, 1959)»։ Armenian Prelacy (en-US)։ արտագրուած է՝ 2025-09-09
Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։  |