Սափոր Գունազարդ (Ք.Ա․ 18-17-րդ Դարեր, Ներքին Գետաշէն)
 | |
|---|---|
| բարձրութիւն | 43 սանտիմետր |
| լայնութիւն | 34 սանտիմետր |
Սափոր գունազարդ, Ք.Ա. 18-17-րդ դարերուն Ներքին Գետաշէնի մէջ յայտնաբերուած սափոր, որ ներառուած է Հայաստանի պատմութեան թանգարանի հաւաքածոյին մէջ 2431-18 համարի ներքոյ։
Նկարագրութիւն
[Խմբագրել | Խմբագրել աղբիւրը]Փոքրադիր կարասաձեւ անօթ է՝ ուռուցիկ ձգուած իրանով։ Լայնաբերան է, դուրս ծալուած, կլոր շրթնապսակով, կարճ պարանոցով, հարթ նստուկով։ Մակերեսը անգոբապատ է, կարմիր, փայլեցուած։
Պարանոցը յարդարուած է շրթնապսակիէն ուղղահայեաց իջնող ժապաւէնազարդով եւ հորիզոնական երեք գօտիներով։ Իրանի վերին մասին վրայ պատկերուած են վեց կենդանի՝ դինամիկ ընթացքի մէջ։ Շարքը կը գլխաւորէ արու եւ էգ եղջերուներու զոյգը։ Եղջերուն հսկայամարմին է, գլուխը պսակուած բազմաճիւղ շքեղ եղջիւրներով։ Անոր առջեւէն կ՚ընթանայ նրբիրան էգը։ Եղջերուներուն կը հետեւի է արու եւ էգ քարայծներու զոյգը։ Էգ քարայծի գաւակէն վեր պատկերուած է արեւ խորհրդանշող սկաւառակ։ Ասոնց կը հետապնդեն բաց երախներով երկու արու գայլեր։ Կենդանիներէն վեր պատկերուած է դէպի ձախ ընթացող վեց թռչուններու շարքը (իւրաքանչիւր կենդանիին՝ համապատասխանաբար մէկ թռչուն)[1]։
Ծանօթագրութիւններ
[Խմբագրել | Խմբագրել աղբիւրը]- ↑ Հայացք բրոնզե դարից, Ալբոմ-կատալոգ, Հայաստանի պատմության թանգարան, 2016, 160 էջ։ A Glance from the Bronze Age. Yerevan, History Museum of Armenia, 2016, 160 pages.
Աղբիւրներ
[Խմբագրել | Խմբագրել աղբիւրը]- Հայացք բրոնզե դարից, Ալբոմ-կատալոգ, Հայաստանի պատմության թանգարան, 2010։
Այս յօդուածի կամ անոր բաժնի որոշակի հատուածի սկզբնական տարբերակի նիւթը տրամադրուած է Հայաստանի պատմութեան թանգարանի կողմէ ԳԼԱՄ ծրագրի շրջանակներուն։  |