Jump to content

Սարսանգի ջրամբար

Սարսանգի ջրամբար, Արցախ

Սարսանգի ջրամբար, ջրամբար Արցախի Հանրապետութեան Մարտակերտ շրջանին մէջ՝ Մարտակերտ քաղաքէն շուրջ 15 Քմ հարաւ-արեւմուտք։ Կառուցուած է 1970-ին Թարթառ գետին միջին հոսանքին մէջ եւ սկսած է օգտագործուիլ 1976-ին։ Ջրամբարին վրայ կառուցուած է Սարսանգի ջրէկ-ը, որ ունի 110 մեկաուաթ հզօրութիւն [1]։

Նկարագրութիւն[Խմբագրել | Խմբագրել աղբիւրը]

Արցախի Հանրապետութեան մեծագոյն ջրամբարն է, որկը գտնուի Ստեփանակերտէն շուրջ 60 Քմ. դէպի հիւսիս։ Ջրատարողութիւնը՝ շուրջ 600 մլն մ³ է, օգտակարութիւնը՝ 550 միլիոն մ³, իսկ 50 մլն մ³-ը չ'օգտագործուիր ջրթողքը՝ 900 մ³/վ։ Պատուարը հողային է, բարձրութիւնը՝ 120 մ, երկայնքը՝ 550 մ, ստորին հատուածին լայնքը՝ շուրջ 500 մ։ Այդպիսի պատուարներ աշխարհի վրայ շատ քիչ են։ Պատուարը կառուցուած է աւազակաւային միջուկով։

Հանրապետութեան ելեկտրականութեան 60 %-ը կ'ապահովուի Սարսանգի ջրամբարին վրայ կառուցուած ջրէկ-էն։ Անիկա Արցախի մէջ առաջինն է հզօրութեամբ։ Ամբարտակը ունի 730 մ բարձրութիւն եւ 550 մ լայնք։ Ջուրերը կ'օգտագործուին ոռոգման եւ ելեկտրական նպատակներով։ Ձմրան չի սառիր։ Ջրաբարը կ'օգտագործուի ձկնաբուծութեան։ Շրջակայքը անտառածածկ է։

Ամբարտակը ծառայած է ոչ միայն ելեկտրականութիւն ստանալու, այլեւ դաշտերը ոռոգելու համար։ Ազատագրական պատերազմին Սարսանգի ջրամբարին շրջակայքը կատաղի մարտեր տեղի ունեցած են, որոնց ընթացքին կասեցուած է ազերի բանակին 1992-ի ամառնային յարձակումը եւ Լեռնային Ղարաբաղի Հանրապետութեան Զինուած ուժերուն կողմէ վերականգնած է Սարսանգի ջրամբարին վերահսկողութիւնը։

2003-էն ի վեր Սարսանգի ջրամբարին հարող տարածքին մէջ՝ Դրմբոն գիւղին մօտ, կը գործէ Դրմբոնի ոսկիի արդիւնահանման խմբաւորումը[2]։

Ծանօթագրութիւններ[Խմբագրել | Խմբագրել աղբիւրը]

  1. Ղազարեան Հ․ Ս․ Սարսանգի ջրամբարի կարեւորութիւնը Արցախի ջրային ռեսուրսների կառավարման ոլորտում, Գիտական տեղեկագիր, №2, 2009
  2. Սարսանգի ջրամբարը