Jump to content

Սառա Քորնինկ

Սառա Քորնինկ
Ծնած է 16 Մարտ 1872(1872-03-16)
Ծննդավայր Chegoggin, Նոր Սկովտիա, Քանատա
Մահացած է 5 Մայիս 1969(1969-05-05) (97 տարեկանին)
Մահուան վայր Yarmouth, Yarmouth County, Նոր Սկովտիա, Քանատա

Սառա Քերնինկ (16 Մարտ 1872(1872-03-16), Chegoggin, Նոր Սկովտիա, Քանատա - 5 Մայիս 1969(1969-05-05), Yarmouth, Yarmouth County, Նոր Սկովտիա, Քանատա), մարդասիրական գործունէութիւն ծաւալած գանատացի բուժքոյր, Հայոց Ցեղասպանութեան ականատես, Ցեղասպանութեան շրջանին մեծ ներդրում ունեցած է հայ որբերու փրկութեան գործին[1]:

Կենսագրական գիծեր[Խմբագրել | Խմբագրել աղբիւրը]

Քորնինկ ծնած է Նովա Սքոչիա նահանգի Եարմութ քաղաքին մէջ[2]։ Առաջին Համաշխարհային պատերազմի տարիներուն Ամերիկայի Կարմիր Խաչի բուժքոյր եղած է։

Սառա Քորնինկ 1919-ին Մերձաւոր Արեւելքի նպաստամատոյց կոմիտէի (Near East Relief) կողմէ ուղարկուած էր Միջին Արեւելք՝ օժանդակելու հազարաւոր յոյն, հայ եւ ասորի գաղթականներու: Քորնինկ փրկած է Հայոց Ցեղասպանութենէն ճողոպրած հայ որբեր:

Իբրեւ բուժքոյր, Սառա նախ կայք հաստատած է Հայաստանի Հանրապետութեան մէջ, Երեւանի մօտերը, հարիւր հազարաւոր գաղթականներու կողքին, որոնցմէ շատեր վարակիչ հիւանդութիւններէ կը տառապէին:

Քորնինկ մահացած է իր ծննդավայր Եարմութի մէջ, 1969-ին, 97 տարեկանին:

«Սառա Քորնինկ» կազմակերպութիւնը[Խմբագրել | Խմբագրել աղբիւրը]

2016-ին ստեղծուած է «Սառա Քորնինկ» կազմակերպութիւնը, ինչպէս նաեւ 2011-ին Թորոնթոյի Ցեղասպանութեանց Ուսմանց կեդրոնը անուանակոչուած է Սառա Քորնինկի անուամբ:

Մրցանակներ[Խմբագրել | Խմբագրել աղբիւրը]

2017-ին Սառա Քորնինկ արժանացած է Թորոնթոյի հայ համայնքին կողմէ «Outstanding Canadian Award»-ին[2]:

Քորնինկի պրոնզէ քանդակը[Խմբագրել | Խմբագրել աղբիւրը]

14 Սեպտեմբեր 2019-ին, Սառա Քորնինկի պրոնզէ քանդակը, որուն հեղինակն է քանատահայ նկարիչ եւ քանդակագործ Կարէն Պետրոսեան, զետեղուած է Նովա Սքոչիա նահանգի Եարմութ քաղաքին մէջ (Քորնինկի ծննդավայրը)։

Ծանօթագրութիւններ[Խմբագրել | Խմբագրել աղբիւրը]

  1. ««Որպէս հայ, Սառա Քորնինկի արձանը քանդակելու առաջին խթանս հանդիսացաւ բարոյական պարտաւորութիւնը». Հարցազրոյց կերպարուեստագէտ Կարէն Պետրոսեանի հետ» (en-US)։ 2019-02-15։ արտագրուած է՝ 2022-02-26 [permanent dead link]
  2. 2,0 2,1 «Գանատայի Եարմութ քաղաքին մէջ պիտի զետեղուի Հայոց Ցեղասպանութեան որբերու փրկարար Սառա Քորնինկի արձանը» (en-US)։ 2019-04-22։ արտագրուած է՝ 2022-02-26 [permanent dead link]