Սայրըս Հեմլին
| Սայրըս Հեմլին | |
|---|---|
.jpg) | |
| Ծնած է | 5 Յունուար 1811[1] |
| Ծննդավայր | Ուոթերֆորդ, Օքսֆորդ շրջան, Մեն, Ամերիկայի Միացեալ Նահանգներ |
| Մահացած է | 8 Օգոստոս 1900[1] (89 տարեկանին) |
| Մահուան վայր | Փորթլենդ, Մեն, Ամերիկայի Միացեալ Նահանգներ |
| Քաղաքացիութիւն |
.svg){kind=small} Ամերիկայի Միացեալ Նահանգներ |
| Ուսումնավայր | Բոլդուն քոլեջ? և Bangor Theological Seminary? |
| Մասնագիտութիւն | միսիոնարուհի և կենսագիր |
| Ամուսին | Հենրիետա Համլին? և Հարիեթ Մարթա Համլին? |
| Ծնողներ | հայր՝ Հանիբալ Համլին?[2], մայր՝ Սյուզան Ֆոլքներ Համլին?[2] |
| Երեխաներ | Ալֆրեդ Դուայթ Ֆոսթեր Համլին? |
Սայրըս Հեմլին (անգլերէն՝ Cyrus Hamlin5 Յունուար 1811[1], Ուոթերֆորդ, Օքսֆորդ շրջան, Մեն, Ամերիկայի Միացեալ Նահանգներ - 8 Օգոստոս 1900[1], Փորթլենդ, Մեն, Ամերիկայի Միացեալ Նահանգներ), ամերիկացի միսիոնար։
Կեսագրական գիծեր
[Խմբագրել | Խմբագրել աղբիւրը]Ծնած է Ուոթըրֆըրտ (Մէյն), նահանգի ծանօթ ընտանիքի մը մէջ։ Ոսկերիչի աշկերտ եղած է, նախքան եկեղեցական ծառայութեան լծուիլը։
1834-ին աւարտած է Պաուտոյն գոլէճը, իսկ 1837-ին՝ Պանկոր աստուածաբանական սեմինարը։
Ամուսնանալէ քանի մը ամիս ետք, կնոջ հետ մեկնած է Կ. Պոլիս իբրեւ միսիոնար։
Անոր անունը կը կրեն սրահ մը Պոլսոյ Պողազիչի համալսարանին մէջ (նախկին Ռոպըրթ գոլէճը) եւ ուրիշ սրահ մը Միտըլպըրի գոլէճին մէջ։
Գործունէութիւն
[Խմբագրել | Խմբագրել աղբիւրը]1840-1860-ին հիմնած ու տնօրէնութիւնը վարած է Պէպէքի սեմինարին, որ մաս կազմած է հայերուն ուղղուած իր քարոզչական աշխատանքին։
1860-ին հրաժարած է միսիոնարի իր պաշտօնէն իբրեւ հետեւանք միսիոնարական ամերիկեան վարչութեան հետ ունեցած իր տարակարծութիւններուն։
Հեմլին աշխարհական գործ ստեղծած է՝ աշակերտներուն արհեստ սորվեցնելու եւ իրենց աղքատութիւնը մեղմացնելու համար։ Անոր ստեղծած ձեռնարկներուն եկամուտները 13 հայ բողոքական եկեղեցիներու շինարարութեան սատարած են Թուրքիոյ մէջ։
1860-ին լծուած է Ռոպըրթ գոլէճը հաստատելու աշխատանքին։ Ի վերջոյ, յաջողած է կայսերական հրովարտակ մը ձեռք ձգել, որ կ՚արտօնէր դպրոցի շինութիւնը եւ ամերիկեան հովանաւորութեան հաստատումը անոր վրայ։ Դպրոցին բացումը տեղի ունեցած է 1863-ին, եւ Հեմլին անոր նախագահը եղած է մինչեւ 1873[3]։ Այնուհետեւ, վերադարձած է Միացեալ Նահանգներ, ուր 1877-1880-ին դասախօսած է Պանկոր աստուածաբանական սեմինարին մէջ, իսկ 1880-1885-ին Վերմոնթի Միտըլպըրի գոլէճի նախագահ եղած է[4]։
Հրատարակութիւններ
[Խմբագրել | Խմբագրել աղբիւրը]Հեմլին հրատարակած է երկու հատորներ՝ «Թուրքերուն միջեւ» (1878) եւ «Իմ կեանքս ու ժամանակս» (1893)։
Կեանքի վերջին տարիներուն, 1894-1896-ի հայկական կոտորածներու դէմ զօրաւոր բողոքներու ձեռնարկած է, յօդուածներ գրելով եւ 1895-ին գլխաւորելով հանրահաւաք մը Պոսթընի մէջ։
Ծանօթագրութիւններ
[Խմբագրել | Խմբագրել աղբիւրը]- 1 2 3 4 (unspecified title) — Բոստոնի համալսարանի աստվածաբանության դպրոց.
- 1 2 Geni — 2006.
- ↑ «Պողազիչիի Համալսարանը` Էրտողանի Նորագոյն Թիրախը»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2021-01-29։ արտագրուած է՝ 2025-09-01
- ↑ «ՍԱՅՐԸՍ ՀԵՄԼԻՆ (մահ՝ 8 Օգոստոս, 1900)»։ Armenian Prelacy (en-US)։ արտագրուած է՝ 2025-09-01