Ռումինիոյ Արուեստի Ազգային Թանգարան

Jump to navigation Jump to search
Ռումինիոյ Արուեստի Ազգային Թանգարան
Muzeul de Arta curte.jpg
Տեսակ ազգային թանգարան
Երկիր Flag of Romania.svg Ռումանիա
Վայր Royal Palace of Bucharest
Կը պատկանի Ministry of Culture and National Patrimony
Հիմնադրուած է 1948
Հաւաքածոյի չափ 70 000
Կայք mnar.arts.ro

Ռումանիոյ արուեստի ազգային թանգարան (ռում.՝ Muzeul Național de Artă al României), կերպարուեստի ամենամեծ թանգարանը Ռումինիոյ մէջ։ Տեղակայուած է Պուխարեսթի Յեղափոխութեան հրապարակին՝ նախկին թագաւորական պալատի շէնքին մէջ։ Հաւաքածոն կը ներառէ ռումինական եւ օտարերկրեայ արուեստի գործերու շուրջ 60 000 նմուշ, որմէ շուրջ 3000 եւրոպական արուեստի նմուշներ են։

Ռումանիոյ արուեստի ազգային թանգարանի մասնաճիւղ կը համարուի Զամպաքճեան թանգարանը:

Պատմութիւն[Խմբագրել | Խմբագրել աղբիւրը]

Թանգարանը հիմնադրուած է 1950-ին։ Թանգարանի ստեղծման համար հիմք հանդիսացած է Ռումանիոյ թագաւոր Գարօլ Ա.ի (շուրջ 214 կտաւներ, անոնցմէ՝ Էլ Կրեքոյի, Ռեմպրանտի, Փիթր Պրէյկէլ Աւագի, Ռուպենսի, Տոմինիքօ Վենեցիանոյի, աշխատանքներէն) հաւաքածոն։ Այն ընդգրկած է նմուշներ նաեւ այլ մասնաւոր հաւաքածոներէն։ 1989-ին Ռումանիոյ յեղափոխութեան ժամանակ թանգարանի շէնքը վնասուած է։ 2000-ին թանգարանի կեդրոնական շէնքին մէջ կրկին բացուած է արտասահմանեան արուեստի ցուցադրութիւնը, 2001-ին շէնքի կողքային հատուածին մէջ՝ ազգային կերպարուեստի ցուցադրութիւնը[1][2]:

Հաւաքածոյ[Խմբագրել | Խմբագրել աղբիւրը]

Ազգային հաւաքածոյ[Խմբագրել | Խմբագրել աղբիւրը]

Ռումինական արուեստի հաւաքածոյին մէջ ներկայացուած է կերպարուեստի ազգային հաւաքածոն՝ ներառեալ սրբապատկերներ, վաղ շրջանի կտաւներ, 20-րդ դարու կերպարուեստի նմուշներ, ինչպէս՝ Թէոտոր Ամանի, Նիքոլայէ Գրիգորեսքիի, Եոն Անտրէսքիի, Թէոտոր Պալլատիի, Մարսէլ Եանքոյի, Վիկթոր Պրաուների, Քորնելու Պապայի ստեղծագործութիւնները։ Յատուկ սրահներ նախատեսուած են Տիմիդրի Պաչուրիայի եւ Կոնստանդին Պրանքուզիի քանդակներուն համար։

Արտասահմանեան հաւաքածոյ[Խմբագրել | Խմբագրել աղբիւրը]

Թանգարանը ունի եւրոպական արուեստի շուրջ երեք հազար նմուշ՝ կտաւներ, քանդակներ, գծագրեալ աշխատանքներ։

Իտալական կերպարուեստի հաւաքածոյին մէջ ներառուած Տոմենիքօ Վենեցիանոյի, Յակոբօ Պասանոյի, Լորենցօ Լոտտոյի, Տինտորետտոյի, Ալեսանտրօ Մանէասքոյի, Յակոբօ Ամիկոնիի, Սալվատորէ Ռոզայի ստեղծագործութիւնները։

Սպանական հաւաքածոն ներկայացուած է Էլ Կրեքոյի երեք աշխատանքներով, ինչպէս նաեւ Ֆրանսիսքօ Սուրբարանի եւ Ալոնսօ Քանոյի ստեղծագործութիւններով։

Հոլանտական հաւաքածոյին մէջ ներկայացուած են Եան վան Էյքի եւ Հանս Մեմլինգի, Փիթր Պրէյկել Աւագի, Փիթր Պրէյկել Կրտսերի, Փիթր Փաուլ Ռուպենսի, Ռեմպրանտ վան Ռէյնի աշխատանքները։

Գերմանական հաւաքածոն կը ներառէ Հանս ֆոն Աախենի, Բարդուղիմէոս Ցայտպլոմի, Էկիտի Սատելերի ստեղծագործութիւնները։

Ֆրանսական իմպերիալիստներու հաւաքածոյին մէջ ներկայացուած են Քլոտ Մոնէի, Ալֆրետ Սիսլէյի, Փօլ Սինեաքէյի ստեղծագործութիւնները։

Ռուսական գեղանկարչութեան բաժնին մէջ ներկայացուած են Իլիա Ռեբինի, Վալենդին Սերովի, Յովհաննէս Այվազովսքիի, Ֆիլիփ Մալէավինի աշխատանքները։

Թանգարանը ունի նաեւ զարդային կիրառական արուեստի նմուշներ՝ հնաձեւ կահոյք, ճենապակի, գորգանկարներ, գորգեր։

Պատկերասրահ[Խմբագրել | Խմբագրել աղբիւրը]

Ծանօթագրութիւններ[Խմբագրել | Խմբագրել աղբիւրը]

  1. Muzee şi Colecţii din România
  2. Istoricul clădirii

Արտաքին յղումներ[Խմբագրել | Խմբագրել աղբիւրը]