Ռոժէ Կարպիս Ջրբաշեան
Ռոժէ Կարպիս Ջրբաշեան | |
---|---|
Ծնած է | 1925 |
Մահուան վայր | Ֆրանսա, Փարիզ |
Ազգութիւն | Հայ |
Կարողութիւն | Ազգային Բարերար |
Ռոժէ Կարպիս Ջրբաշեան (ծնած էր 1925-ին, վանեցի ընտանիքի յարկին տակ: Մահացած է 17 Յուլիս 2019 Ֆրանսա, Փարիզ):Ազգային գործիչ, բարերար: Թունդ հայրենասէր, միշտ օժանդակած է Ֆրանսահայութեան եւ Հայաստանին։ ֆրանսահայ գաղութի նահապետներէն էր:
Կենսագրութիւն[Խմբագրել | Խմբագրել աղբիւրը]
Ռոժէ Կարպիս Ջրբաշեան երկար տարիներ եղած է նաեւ ՀԲԸՄ-ի կարեւորագոյն անդամներէն։ 1995-ին մաս կազմած է փարիզեան պատուիրակութեան՝ Գարեգին Ա. կաթողոկոսի ընտրութեան առթիւ։
Ռոժէ Կարպիս Ջրբաշեան ամենէն հին անդամն էր Հայց. եկեղեցւոյ Փարիզի Կրօնական ընկերակցութեան, ուր երկար տարիներ ստանձնած է զանազան պաշտօններ։ Ան հանդիսացած է նաեւ եկեղեցւոյ Պատգամաւորական ժողովի առաջին նախագահը։
Ինք էր նուիրատուն Խալաթեանի ստեղծագործած եռափեղկ որմնային քանդակին (Աւարայր, Մեսրոպ Մաշտոց եւ Ցեղասպանութիւն), որ զետեղուած է Փարիզի եկեղեցւոյ բակի պատերէն մէկուն վրայ։
Տոքթ. Սերժ Սիմոնեանի հետ՝ նոյնպէս ինք էր, որ նախաձեռնողը եղած էր Ալֆորվիլի Ս. Մեսրոպ վարժարանի կառուցման, 1978-ին։
Փարիզեան Շարանթոն արուարձանի գլխաւոր զբօսայգիներէն մէկուն մէջ բարձրացուած խաչքարն ալ ինք նուիրած էր եւ որու հանդիսաւոր բացումը կատարուած էր 1996 Ապրիլ 24-ին։
Էջմիածնի մայր տաճարի զանգակներուն նուիրատուն ալ ինք էր։
« Comptoir Commercial d'Orient » վաճառական ընկերութիւնը[Խմբագրել | Խմբագրել աղբիւրը]
Ռոժէ Կարպիս Ջրբաշեանի՝ իր ազգին ու Էրգիրին փարումին լաւագոյն օրինակներէն է նաեւ հետեւեալը. ան 1947-ին հիմնած էր « Comptoir Commercial d'Orient » վաճառական ընկերութիւնը, որ գլխաւորաբար չոր միրգերու վաճառքով կը զբաղի։ Այդ ծիրին մէջ, յաջողած էր Թուրքիայէն ներածուած չոր ծիրանի ծրարներուն վրայ՝ «Ծիրան՝ Հայաստանի. հողեր, որոնք այսօր գրաւուած են Թուրքիոյ կողմէ» պիտակը աւելցնելէ ետք՝ վաճառել ֆրանսական շուկայի հանրախանութներու մեծագոյն ցանցերէն մէկուն։
«Յառաջ»-ի, նաեւ «Նոր Յառաջ» յօդուածագիր[Խմբագրել | Խմբագրել աղբիւրը]
Ռոժէ Կարպիս Ջրբաշեան բազմաթիւ յօդուածներ ստորագրած է յատկապէս Անդրանիկ Ծառուկեանի «Նայիրի», Արփիկ Միսակեանի «Յառաջ»-ի, նաեւ «Նոր Յառաջ»-ի թերթերուն մէջ։
Աղբիւրներ[Խմբագրել | Խմբագրել աղբիւրը]
- Մահ՝ Կարպիս-Ռոժէ Ջրբաշեանի[permanent dead link]
- «ԼԵԶՈՒՆ ՈՐ ՉԸԼԼԻ, ՄԱՐԴ ԻՆՉԻ՞ ՆՄԱՆ Կ’ԸԼԼԻ...» Archived 2019-07-20 at the Wayback Machine.
- «ԼԵԶՈՒՆ ՈՐ ՉԸԼԼԻ, ՄԱՐԴ ԻՆՉԻ՞ ՆՄԱՆ Կ՛ԸԼԼԻ...» ԿԱՐՊԻՍ ՋՐԲԱՇԵԱՆ, Փարիզ
- Աշխարհի հայերը-Կարպիս Ջրբաշեան
Ծանօթագրութիւններ[Խմբագրել | Խմբագրել աղբիւրը]
- Անձինք այբբենական կարգով
- All articles with dead external links
- Յօդուածներ որոնց մէջ փճացած յղումներ կան from October 2023
- Articles with invalid date parameter in template
- Articles with permanently dead external links
- Webarchive template wayback links
- 1925 ծնածներ (արւմտ.)
- 2019 մահացածներ (արւմտ.)
- Հայ բարերար (արւմտ.)
- Մոնթրէալի Ս. Յակոբ Ազգային վարժարանի նախկին փոխ տնօրէններ (արւմտ.)
- «Յառաջ» եւ «Նոր Յառաջ» թերթի յօդուածագիրներ (արւմտ․)
- ՀԲԸՄ-ի կարեւորագոյն անդամներ(արւմտ.)
- Հայց. եկեղեցւոյ Փարիզի Կրօնական ընկերակցութեան անդամներ (արւմտ․)