Ջրաբերդ (թերթ)

Ջրաբերդ
Տեսակ	թերթ
Հրատարակման վայր	Մարտակերտի շրջան

«Ջրաբերդ», հասարակական-քաղաքական երկշաբաթաթերթ։

Պատմութիւն

ԼՂՀ Մարտակերտի շրջանի վարչակազմի պաշտօնաթերթ։

Լոյս կը տեսնէ 1932 թուականէն Մարտակերտի մէջ (մինչեւ 1966 թուականը՝ «Սոցիալիզմի ուղիով», 1966–1986 թուականներուն՝ «Բարեկամութիւն», 1992–1993 թուականներուն՝ ընդհատումներով)։ Խմբագիրներ՝ Հողմիկ Սարգսեան, Ալեքսան Կարապետեան, Սանասար Յովհաննիսեան, Զոյա Թադեւոսեան, Արարատ Դանիէլեան, Արկադիա Բալայեան, Արա Աբրահամեան, Շ. Օհանջանեան, Ս. Մամունց, Վահրամ Աթանեսեան, Ալեքսան Յակոբեան, Դ. Շիրինեան, Ալպերթ Ալաւերդեան, Յովհաննէս Յովհաննիսեան, Յովհաննէս Մանուկեան, Լ. Մաթեւոսեան, Արեգ Գրիգորեան (2009 թուականէն)։

Կը լուսաբանէ շրջանի սոցիալ-տնտեսական, կրթական, մշակութային կեանքը։

Արցախեան պատերազմի (1991–1994 թուականներ) տարիներուն եւ յետագային տպագրած է նիւթեր ինքնապաշտպանական եւ ազատագրական մարտերու, բռնագաղթի, զոհուած ազատամարտիկներու, հերոսներու, հրամանատարներու, շրջանի բնակավայրերու վերաբնակեցման մասին, կ՚անդրադառնայ շրջանի առօրեային։

Այս յօդուածի կամ անոր բաժնի որոշակի հատուած վերցուած է «Հայ գրատպություն և գրքարվեստ» հանրագիտարանէն, որու նիւթերը թողարկուած են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թոյլատրագրի ներքոյ։