Ջերմուկի պատկերասրահ
Ջերմուկի պատկերասրահ, Հայաստանի Հանրապետութեան Վայոց ձոր մարզի Ջերմուկ քաղաքին մէջ գործող Հայաստանի ազգային պատկերասրահի Ջերմուկի մասնաճիւղ՝ պատկերասրահ։ Պատկերասրահը կը գործէ 1972 թուականէն սկսեալ։
Պատմութիւն
[Խմբագրել | Խմբագրել աղբիւրը]Ջերմուկի պատկերասրահին շէնքը մինչեւ 1972 թուական եղած է հիւրանոց ճաշարան։ 1972 թուականէն Հայաստանի ազգային պատկերասրահը զայն վերցուցած է եւ մինչեւ օրս կը գործէ որպէս պատկերասրահ (ՀԱՊ Ջերմուկի մասնաճիւղ ՊՈԱԿ)[1]։ Ջերմուկի պատկերասրահը կը գտնուի Արփա գետի առափնեայ լանջին։ Ցուցադրութիւնը դիտելէ ետք այցելուները հնարաւորութիւն կ'ունենան բակի տարածքէն բացուած դաշտային ճանապարհով տասը վայրկեանէն հասնիլ Ջերմուկի ջրվէժ։
Ցուցադրութիւն
[Խմբագրել | Խմբագրել աղբիւրը]Պատկերասրահի մշտական ցուցադրութեան հաւաքածուն կը ներառէ 1920-1990-ական թուականներու ստեղծագործողներու շուրջ 100 գեղանկարներ ու քանդակներ։ Ցուցադրութիւնը կը ներառէ խորհրդային, հայկական եւ ժամանակակից մշակութային ժառանգութեան ցուցանմուշներ։ Ներկայացուած են Մարտիրոս Սարեանի[2], Արա Սարգսեանի, Գէորգ Գրիգորեանի, Մհեր Աբեղեանի, Յովհաննէս Զարդարեանի, Յարութիւն եւ Արմինէ Կալենցներու, Գրիգոր Խանճեանի, , Լաւինա Բաժբէուկ-Մելիքեանի, Սարգիս Պաղտասարեանի, Խաչատուր Իսկանտարեանի, Մարտին Պետրոսեանի, Ռուբէն Ադալեան (նկարիչ)ի եւ այլոց աշխատանքներ[3]։ Հաւաքածոն կ'ընդգրկէ 79 թանգարանային առարկայ։
Միջոցառումներ
[Խմբագրել | Խմբագրել աղբիւրը]Բացի մշտական ցուցադրութենէն, մասնաճիւղին մէջ պարբերաբար կը կազմակերպուին մշակութային տարբեր միջոցառումներ, անոր կարգին՝ ժամանակաւոր ցուցահանդէսներ, յուշ-երեկոներ, դասախօսութիւններ եւ դասընթացք-սեմինարներ։
Աշխատանքային օրեր եւ ժամեր
[Խմբագրել | Խմբագրել աղբիւրը]Աշխատանքային օրերն են՝ Երեքշաբթի-Կիրակի: Աշխատանքային ժամերն են՝ 10:30-17:30[4]:
Տոմսեր
[Խմբագրել | Խմբագրել աղբիւրը]Մուտքի տոմս - 1000 դրամ
Աշակերտական, ուսանողական, թոշակառուի տոմս - 500 դրամ
Մինչեւ 12 տարեկան երեխաներուն մուտքը անվճար։
Ծանօթագրութիւններ
[Խմբագրել | Խմբագրել աղբիւրը]- ↑ «Հայաստանի ազգային պատկերասրահի կայքին մէջ Ջերմուկի մասնաճիւղի էջը»։ արխիւացուած է բնօրինակէն-էն՝ 2025-03-29-ին։ արտագրուած է՝ 2025-09-25
- ↑ Մարտիրոս Սարեանի կայք
- ↑ «Իմ Հայաստան ծրագիր պաշտօնական կայք»։ արխիւացուած է բնօրինակէն-էն՝ 15 Փետրուար 2020 թ․-ին։ արտագրուած է՝ 16 Փետրուար 2020 թ․
- ↑ https://jermuk-gallery.mus.am/am/