Պոսիդոն

Jump to navigation Jump to search
Պոսիդոն Միլոսէն, մ.թ.ա.2րդ դար (Աթէնքի ազգային հնէաբանական թանգարան)

Պոսիդոն կամ Պոսիդովն (յուն․՝ Ποσειδῶν)` հին յունական դիցաբանութեան տասներկու ողիմպիացիներէն մին: Ան ծովու եւ այլ ջուրերու, երկրաշարժներու եւ ձիերու աստուածն է:[1]
Պոսիդոնի անբաժան զէնքն է իր եռաժանին:

Պոսիդոն ծովագնացներու եւ բազմաթիւ հեղէնական քաղաքներու եւ գաղութներու հովանաւորն է: Հոմերոսի «Իլիական»-ին մէջ տրոյական պատերազմի ատեն Պոսիդոն կ՚աջակցէր յոյներուն ընդդէմ տրոյացւոց: «Ոդիսական»-ին մէջ, Տրոյէն Իթակէ վերադառնալու ատեն Ոդիսեւս զայրացուց Պոսիդոնը՝ կուրացնելով անոր կիկլոպ Պոլիթեմոս զաւակը, որու պատճառաւ պատժուեցաւ անոր ղրկած փոթորիկով, որ կորսնցուց իր նաւն ու ուղեկիցները, եւ վերադարձը տեւեց տասը տարի:

Պղատոնի աշխատութիւններուն մէջ Ատլանտիս կղզին անոր նստավայրն էր:[2][3][4]
Անոր հռովմէական համարժէքն է Նեպտունը:

Դիցաբանութիւն[Խմբագրել | Խմբագրել աղբիւրը]

Ծնունդ[Խմբագրել | Խմբագրել աղբիւրը]

Ատտիկական անօթին պատկերուած Պոսիդոն, մ.թ.ա. 5րդ դար (դրուագ)

Պոսիդոն Կրոնոս եւ Հռէա տիտաններու երկրորդ զաւակն էր: Ընդհանուր տեղեկութիւններով, Կրոնոս ծնուեւելու ատեն զայն կլլած է, սակայն յետագային այլ եղբայրներու եւ քոյրերու հետ միասին Զեւսը զայն արձակած է, թէեւ ըստ որոշ այլ վարկածներու ան իր եղբայր Զեւսի պէս իր ճակատագիրը չէ կիսած քոյրերու եւ եղբայրներու հետ, զորս կերած է Կրոնոս: Զայն փրկած է իր մայր Հռէան՝ զայն պահելով գառներու մէջ եւ ձեւացնելով, թէ զամբիկ մը ծնած է, որը եւ յանձնած է Կրոնոսը խժռելու:
«Իլիական»-ին մէջ միայն մէկ յիշատակումով կը նշուի, որ աշխարհը բաժնուեցաւ երեք մասերու, Զեւսն ստացաւ երկինքը, Հադէսն՝ անդրաշխարհը եւ Պոսիդոնը՝ ծովը:

Պատկերասրահ[Խմբագրել | Խմբագրել աղբիւրը]

Ծանօթագրութիւններ[Խմբագրել | Խմբագրել աղբիւրը]

  1. Burkert 1985, pp. 136–139.
  2. Plato (1971)։ Timaeus and Critias։ London, England: Penguin Books Ltd.։ էջ 167։ ISBN 9780140442618 
  3. Timaeus 24e–25a, R. G. Bury translation (Loeb Classical Library).
  4. Also it has been interpreted that Plato or someone before him in the chain of the oral or written tradition of the report accidentally changed the very similar Greek words for "bigger than" ("meson") and "between" ("mezon") – Luce J.V. (1969)։ The End of Atlantis – New Light on an Old Legend։ London: Thames and Hudson։ էջ 224 

Արտաքին յղումներ[Խմբագրել | Խմբագրել աղբիւրը]