Պերճ Թէրզեան
| Պերճ Թէրզեան | |
|---|---|
| Ծնած է | 17 Նոյեմբեր 1938 |
| Ծննդավայր | Գահիրէ, Եգիպտոս |
| Մահացած է | 14 Դեկտեմբեր 2025[1] (87 տարեկանին) |
| Մահուան վայր | Գահիրէ, Եգիպտոս |
| Մասնագիտութիւն | հրապարակախօս |
Պերճ Թէրզեան (17 Նոյեմբեր 1938, Գահիրէ, Եգիպտոս - 14 Դեկտեմբեր 2025[1], Գահիրէ, Եգիպտոս), հայ մտաւորական, հրապարակախօս, բարերար, ազգային եւ հասարակական գործիչ։
Կենսագրական գիծեր
[Խմբագրել | Խմբագրել աղբիւրը]Ծնած է Գահիրէ։ Նախակրթութիւնը ստացած է տեղւոյն Մխիթարեան եւ ապա Մարոնի հայրերու վարժարաններէն։
Աւարտած է Այն-էլ-Շամս համալսարանի վարչական գիտութեանց հաստատութիւնը, որմէ ետք յաճախած է Գահիրէի Ամերիկեան համալսարանը։
1969-ին հիմնած է «Աֆրիքան փրէսս» տպագրատունը, տանելով թէ՛ առեւտրական եւ թէ՛ հայ հրատարակչական գործունէութիւն։
Թէրզեան կանուխէն անդամակցած է Գահիրէի Հայ Գեղարուեստասիրաց Միութեան, Հայ Ազգային Հիմնադրամին , ՀԲԸ Միութեան Եգիպտոսի Շրջանակային Յանձնաժողովին, Գահիրէի ՀՄԸՄ Նուպար մարզարանի վարչութեան։
Նախաձեռնած է «Արեւ» օրաթերթի արաբերէն համանուն յաւելուածին հրատարակութեան (1998-2009)[2]։ Եղած է «Արեւ» օրաթերթի արաբերէն ամսօրեայ յաւելուածին հայկական նիւթերու խորհրդատուն, ինչպէս նաեւ Գահիրէի ՀԲԸ Միութեան «Տեղեկատու» եռամսեայի եւ Միութեան «Արեգ» արաբալեզու ամսօրեայի հայկական նիւթերու խմբագրական խորհրդատուն։
«Արեւ»-ի մէջ հրապարակած հայատառ յօդուածներու ժողովածուն հատորով մը լոյս տեսած է 2010-ին, «Յետադարձ անդրադարձ» վերնագրով։
Ծանօթագրութիւններ
[Խմբագրել | Խմբագրել աղբիւրը]- 1 2 Ոչ Եւս Է Եգիպտահայ Ծանօթ Մտաւորական Պերճ Թերզեան
- ↑ «Ոչ Եւս Է Եգիպտահայ Ծանօթ Մտաւորական Պերճ Թերզեան»։ Ararad Daily Newspaper (en-US)։ 2025-12-16։ արտագրուած է՝ 2026-01-12