Նունէ Հայրապետեան
| Նունէ Հայրապետեան | |
|---|---|
| Ծնած է | 23 Նոյեմբեր 1951 (74 տարեկան) |
| Ծննդավայր | Երեւան, Խորհրդային Միութիւն |
| Քաղաքացիութիւն |
 Խորհրդային Միութիւն և  Իտալիա |
| Ուսումնավայր | Մոսկուայի երաժշտանոց և Մոսկվայի պետական մանկավարժական համալսարան? |
| Մասնագիտութիւն | դաշնակահար և երաժշտութեան ուսուցիչ |
Նունէ Հայրապետեան (23 Նոյեմբեր 1951, Երեւան, Խորհրդային Միութիւն), իտալաբնակ հայ երաժիշտ, դաշնակահարուհի, երաժշտութեան ուսուցիչ, երաժշտութեան գիտութիւններու թեկնածու։
Կենսագրութիւն
[Խմբագրել | Խմբագրել աղբիւրը]Նունէ Հայրապետեանը ծնած է Հայաստան, երաժիշտներու ընտանիքի մէջ եւ ճանչցուած նախկին Խորհրդային Միութեան մշակութային ասպարէզի յայտնի արուեստագէտներէն մէկը։ Իր երաժշտական գործունէութիւնը սկսած է 8 տարեկանին, իսկ 11 տարեկանին նուագախումբի հետ արդէն նուագած է Մենտելսոնի դաշնամուրի համերգը։ Այնուհետեւ ան ընդունուած է երիտասարդ տաղանդներու կրթութեամբ զբաղուող Մոսկուայի Կեդրոնական յատուկ դպրոց, իսկ ասպիրանտուրան շարունակած է Մոսկուայի Չայկովսկիի անուան երաժշտանոցին մէջ։ 1972 թուականին Նունէ Հայրապետեանը արժանացած է Խորհրդային Միութեան միակ ազգային մրցոյթի՝ «Մինսկի դաշնամուրային մրցոյթի» երկրորդ մրցանակին։ Մրցոյթէն յետոյ ան ունեցած է համերգային գործունէութիւն եւ նուագած է Խորհրդային Միութեան շարք մը հանրապետութիւններում մէջ։ 1972-1988 թուականներուն ան տարեկան միջինը 40 մէնահամերգ տուած եւ նուագած է խորհրդային հանրապետութիւններու ամենայայտնի ֆիլհարմոնիկ նուագախումբերու եւ ամենայայտնի խմբավարներու հետ։ 1974 թուականին գերազանցութեամբ աւարտած է Մոսկուայի երաժշտանոցը՝ ռուս համերգավար Եակով Ֆլիերի դասարանը։ 1978 թուականին պաշտպանած է դոկտորական թէզ։
1988 թուականին Նունէ Հայրապետեանը հաստատուած է Իտալիա։ 1991 - 2003 թուականը ան պարբերաբար հրաւիրուած է «Società dei Concerti» հեղինակաւոր կազմակերպութեան կողմէ նուագելու Միլանի երաժշտանոցինյին մէջ տեղի ունեցած համերգներուն։ 1995 թուականին Նունէն Մստիսլաւ Ռոստրոպովիչի եւ այլ նշանաւոր արուեստագէտներու հետ հրաւիրուած է մասնակցելու Լիւպլեանայի 43-րդ միջազգային փառատօնին, ուր ան նուագած է բացման համերգին[1]։
1991 թուականին Միլանի երաժշտանոց հանդէս եկեած է «Պատմական իրադարձութիւն» յատուկ համերգով. մօր, քրոջ եւ դստեր հետ նուագած է Պախի համերգներ 3 եւ 4 դաշնամուրներու եւ նուագախումբի համար։
Նունէ Հայրապետեանի նուագացանկի մէջ ընդգրկուած են Մոցարտի, Պրամսի, Սքրէապինի, Ռախմանինովի, Փրոքոֆեւի ստեղծագործութիւնները[2][3]։
Մանկավարժական գործունէութիւն
[Խմբագրել | Խմբագրել աղբիւրը]1978 թուականէն Նունէ Հայրապետեանը նաեւ զբաղուած է մանկավարժական գործունեութեամբ։ 1977 թուականին Մոսկուայի մանկավարժական համալսարանին մէջ ստացած է մանկավարժի որակաւորում, աշխատած է Երեւանի մէջ, 1983 թուականին ստացած է երաժշտութեան ուսուցիչի «Բարձր որակաւորում»։
1988 թուականէն Իտալիոյ մէջ ան կը դասաւանդէ իտալացի եւ արտասահմանցի դաշնակահարներու։ Անոր ուսանողներու մեծ մասը յայտնի է որպէս բարձր գնահատուած կատարողներ եւ յաղթած են քանի մը ազգային եւ միջազգային մրցոյթներու[4][5]։
Ծանօթագրութիւններ
[Խմբագրել | Խմբագրել աղբիւրը]- ↑ Il Giorno" Milano, Huit mains sur deux pianos.
- ↑ La Notte: «Pianist Nune Hayrapetyan has bewitched the audience».
- ↑ La Provincia: «Nune Hayrapetyan’s personality subjugated the audience».
- ↑ La Repubblica: «Nune Hayrapetyan at the piano: a real Christmas star».
- ↑ Il Corriere della Sera: «The Russian soul vibrates in everyone, thanks to the sound of Nune Hayrapetyan»