Նոյան տապան (թերթ)

Նոյան տապան
Տեսակ թերթ
Հիմնադրուած է Օգոստոս 1997
Կայք noev-kovcheg.ru

Նոյան տապան (թերթ), տասներկու երկիրներուն մէջ տարածուող հայկական սփիւռքի տեղեկատուական-վերլուծական միջազգային թերթ։

Պատմութիւն[Խմբագրել | Խմբագրել աղբիւրը]

Թերթի առաջին համարը լոյս տեսաւ 1997 թուականի Օգոստոսին։ Թերթի հիմնադիրն է «Նոյան Տապան Մեդիա» ՍՊԸ-ն՝ ի դէմս անոր տնօրէն Գրիգորի Անիսոնեանի, որ դարձաւ թերթի գլխաւոր խմբագիրը[1]։

Հիմնադրման պահէն սկսած՝ «Նոյան տապան» թերթը սկսաւ արտացոլել ԱՊՀ երկիրներու եւ հեռաւոր արտասահմանեան հայկական սփիւռքի կեանքը։ Հրատարակութեան գլխաւոր խնդիրն է Հայաստանի սահմաններէն դուրս բնակուող հայրենակիցներուն ծանօթացնել հայրենիքի քաղաքական, տնտեսական եւ մշակութային կեանքին։ Իր հերթին թերթը յայտնի կը դառնայ ոչ միայն հայ, այլեւ ցանկացած ռուսալեզու՝ ուկրանացի, պելառուս, մոլտովացի, վրացի, ռուս եւ ատրպեճանցի ընթերցողներու շրջանին մէջ։

Հանրամատչելի բաժիններն են՝ «Հայրենակիցներ», «Ամբիոն», «Նորագոյն պատմութիւն», «Սփիւռք», «Եկեղեցի», «Լուրեր Թբիլիսիից», «Լուրեր Բաքուից», «Յիշողութիւն», « ԱՊՀ-ի լուրեր», «Մեծ հայեր» եւ նոր բաժինները՝ «Գործարարները սփիւռքում» եւ «Հայկական սփիւռքն այսօր»։

Տպաքանակ եւ տարածում[Խմբագրել | Խմբագրել աղբիւրը]

Թերթը կը թողարկուի ինչպէս տպագիր, այդպէս ալ ելեկտրոնային տարբերակով։ Թերթի ծաւալը 12-18 էջ է, թողարկման յաճախականութիւնը՝ ամիսը մէկ անգամ, ձեւաչափը՝ A2, տպաքանակը՝ 104 500 օրինակ։ Մոսկուայի մէջ տարածուող տպաքանակը 65 000 օրինակ է։

«Նոյան տապան» թերթը կը տարածուի 12 երկրներու 85 քաղաքներուն մէջ։ Յոդուածներու հեղինակները քաղաքագէտներ են, դիւանագէտներ եւ մշակութային գործիչներ[2]։

Մրցանակներ[Խմբագրել | Խմբագրել աղբիւրը]

Թերթը եւ անոր անձնակազմը ունին շարք մը պարգեւներ։ Լրագրող եւ թերթի գլխաւոր խմբագիր Գրիգոր Անիսոնեանը հայկական ԶԼՄ-ներու զարգացման մէջ նշանակալի ներդրում ունենալու համար արժանացած է «Կարօտ-2009» մրցանակին[3]։

19 Սեպտեմբեր 2007-ին «Ararat Park Hyatt» հիւրանոցին մէջ թերթի առաջին համարի հրատարակման տասնամեակի առթիւ բարեգործական «Ազգային փառք:Հայրենիք» հիմնադրամի նախագահ Լեւոն Կարագոզեանը եւ հիմնադրամի դափնեկիրներէն մէկը՝ Վիկտոր Իլիւխինը, գլխաւոր խմբագրին յանձնեցին «Փառքի սուտակէ խաչ»` «ռուս-հայկական հասարակական եւ մշակութային կապերու զարգացման գործին մէջ ունեցած ներդրման համար»[4][5]։

Ծանօթագրութիւններ[Խմբագրել | Խմբագրել աղբիւրը]

  1. «Анисонян Григорий Юрьевич — Энциклопедия фонда «Хайазг»» (ռուսերեն)։ արխիւացուած է բնօրինակէն-էն՝ 2012-04-19-ին։ արտագրուած է՝ 2018-10-28 
  2. «Ноев Ковчег» — 10 лет плавания[permanent dead link]Կաղապար:Չաշխատող արտաքին հղում
  3. «В Москве прошел второй международный фестиваль «Карот»» (ռուսերեն)։ արխիւացուած է բնօրինակէն-էն՝ 2012-04-19-ին։ արտագրուած է՝ 2010-3-3 
  4. «Десятилетний юбилей отмечает международный армянский ежемесячник «Ноев Ковчег»» (ռուսերեն)։ արխիւացուած է բնօրինակէն-էն՝ 2012-04-19-ին։ արտագրուած է՝ 2010-3-30 
  5. «10-летие «Ноев Ковчег»» (ռուսերեն)։ արխիւացուած է բնօրինակէն-էն՝ 2012-04-19-ին։ արտագրուած է՝ 2010-3-30 

Յղումներ[Խմբագրել | Խմբագրել աղբիւրը]