Ներսէս Մշեցի

Ներսէս Մշեցի
Ծնած է	13-րդ դար
Ծննդավայր	Մուշ
Մահացած է	1284
Մահուան վայր	Գլաձորի համալսարան, Հայաստան
Մասնագիտութիւն	գիտնական

Ներսէս Մշեցի, Տարօնցի (13-րդ դար, Մուշ - 1284, Գլաձորի համալսարան, Հայաստան), հայ մանկավարժ, գրիչ։

Կենսագրական գիծեր

Կրթութիւնը ստանալէ ետք, պաշտօնավարած է Մշոյ Առաքելոց վանքի դպրոցին մէջ, կատարելագործուած է Վարդան Արեւելցիի ղեկավարած Հայոց վարդապետարանին մէջ։ Տիրապետած է յունաէնին եւ լատիներէնին։

Արեւելցիի մահէն ետք՝ 1271 թուականին, նշանակուած է րաբունապետ եւ վարդապետարանը Խոր Վիրապէն փոխադրած է Մշոյ Առաքելոց վանք։ Նկատի ունենալով երկիրի անապահով վիճակը, Ներսէս Մշեցին 1281 թուականին դպրոցը ժամանակաւորապէս փակելով՝ ապահով տեղ գտնելու նպատակով, աշակերտին՝ Եսայի Նչեցիի, հետ մեկնած է Մեծոփավանքի դպրոց, իսկ 1282 թուականին՝ Վայոց Ձոր։

Պռոշեան իշխանական տունը իրեն տրամադրած է Աղբերց վանքը։ Ներսէս Մշեցին հաւաքած է իր աշակերտները, շարունակած է վարժութիւնները, իսկ որոշ ժամանակ անց րաբունապետ կարգած է Եսայի Նչեցին։

Ներսէս Մշեցիի մահէն ետք դպրոցը շարունակած է գործել եւ ճանչցուած է իբրեւ Գլաձորի համալսարան։

Այս յօդուածի նախնական տարբերակը կամ անկէ մասը վերցուած է Հայկական համառօտ հանրագիտարանէն, որու նիւթերը թողարկուած են` Քրիեյթիւ Քոմմընզ Նշում–Համանման տարածում 3.0 (Creative Commons BY-SA 3.0) թոյլատրագրի մէջ։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։