Նարինջ
Նարինջ, Նարինջը հիւթալի ու զովացուցիչ պտուղ մըն է, որ մեծ տարածում ունի ամբողջ աշխարհին մէջ։
Ունի կլորաւուն ձեւ, մաքուր բոյր եւ բաց կամ մութ գոյնի կեղեւ։
Նարինջին բուժիչ յատկութիւններէն
[Խմբագրել | Խմբագրել աղբիւրը]Առողջ սննդակարգը եւ կարգ մը ուտելիքներու կանոնաւոր օգտագործումը կրնան կանխել կարգ մը հիւանդութիւններ, որոնց կարգին նաեւ` քաղցկեղը:
«Հելթի Ֆուտ Սթար» կը գրէ, որ քաղցկեղէ պաշտպանուելու եւ քաղցկեղային բջիջներուն աճը կանխելու համար կայ բնական միջոց մը. զայն պատրաստելու համար անհրաժեշտ է երկու հիմնական բաղադրիչ` նարինջ եւ կարմիր կաղամբ:
Պատրաստելու համար պէտք է քամել 6 նարինջ, մանր կտրատել կարմիր կաղամբի մէկ չորրորդը, աւելցնել 2 բաժակ ջուր եւ հարիչէ անցընել: Ստացուած հիւթը պէտք է խմել պարապ ստամոքսով, օրական մէկ բաժակ:
Ըստ «Հելթի Ֆուտ Սթար»-ի գաղտնիքը նարինջի եւ կարմիր կաղամբի համադրութեան մէջ է: Անոնք մեծ քանակութեամբ անթիօքսիտաններ կը պարունակեն, իսկ վերջիններուն պակասը կրնայ քաղցկեղ յառաջացնել[1]:
Կարգ մը կենսանիւթեր եւ հանքանիւթեր շատ կարեւոր են զօրացնելու մարմինին դիմադրողականութիւնը: Անոնցմէ են A, B-6 եւ C կենսանիւթերը, Omega-3-ը, զինքը, երկաթը եւ այլն։ Այս կենսանիւթերով հարուստ են՝ նարինջը, լիմոնը, կրիֆոնը եւ պղպեղը, որոնք կը պարունակեն նաեւ հակաօքսիտանդներ[2]:
Նարինջի բարիքներէն
[Խմբագրել | Խմբագրել աղբիւրը]
Բացի ուտելէ եւ անոր հիւթը խմելէ` նարինջը կարելի է օգտագործել.
ա.- Մրջիւններէն ձերբազատելու համար հարիչէ անցընել նարինջի մը կեղեւները եւ բաժակ մը գաղջ ջուրը: Ստացուած խիւսը տարածել հոն, ուրկէ մրջիւնները կ'ելլեն, եւ հոն, ուր ընդհանրապէս մրջիւն կը տեսնուի:
բ.- Կատուները քշելու համար նարինջի կեղեւին սուրճի մրուր խառնել եւ ստացուած խառնուրդը դնել հոն` ուրկէ կատու մուտք կը գործէ:
գ.- Տան մթնոլորտը թարմացնելու համար սենեակներուն բոլոր դուռերը բանալ, ապա խոհանոցը, ալիւմինիոմ կաթսայի մը մէջ, թեթեւ կրակի վրայ, 2 բաժակ ջուրի մէջ եռացնել 2-3 նարինջի եւ կիտրոնի կեղեւ: Տեւաբար աւելցնել շոգինալու պարագային[3]:
Նարինջով աղցան
[Խմբագրել | Խմբագրել աղբիւրը]Բաղադրութիւն
- Քառորդ կարմիր կաղամբ,
- Երկու նարինջ,
- Քառասուն կրամ խոշոր դդումի սերմ,
- Երկու սուրճի դգալ ձէթ
- Մէկ սուրճի դգալ խնձորի քացախ
- Աղ
Պատրաստութիւն.-
Կարմիր կաղամբը լուալ, ցամքեցնել եւ անոր մէկ չորրորդ մասը շատ բարակ շերտել:
Նարինջները նոյնպէս կեղուել, մաքրել շերտերուն վրայի բարակ մաշկը եւ իւրաքանչիւր շերտ 2 կամ 3 մասի բաժնել:
Խոշոր դդումի սերմերը տապակի մէջ, առանց իւղի խարկել:
Խորունկ ամանի մը յատակին լեցնել քացախը, ձէթը, աղը եւ խառնել: Աւելցնել մանրուած կաղամբը եւ կրկին խառնել:
Հրամցնելու ատեն աղցանը զարդարել նարինջի կտորներով եւ խարկուած սերմերով:
