Յուշարձան արեւին

Յուշարձան արեւին^[1] (խորուաթերէն՝ Pozdrav Suncu. բառացի թարգմանած՝ «Արեւի ողջոյն» կամ «Ողջոյն արեւին»), ճարտարապետական գեղարուեստական ինստալիացիա Խորուաթիայի Զադար քաղաքին մէջ՝ հին քաղաքամասի հիւսիսարեւմտեան մասին մէջ, Զադարի նաւահանգիստի մերձակայքին մէջ՝ «Ծովային երգեհոն» յուշարձանի անմիջական հարեւանութեամբ։

Նկարագրութիւն

Արուեստի այս գործը, որուն հեղինակը Նիկոլա Բաշիչն է, ստեղծման օրուընէ՝ 20 Մայիս 2008 թուականէն դարձած է Զադարի զբօսաշրջային տեսարժան վայրերէն մէկը^[2]։

բաղկացած է ապակեայ բազմաշերտ երեք հարիւր թերթերէ, որոնք տեղադրուած են նաւահանգիստ տանող սալարկուած ճանապարհի հարեւան հարթութեան վրայ։ Ապակեայ այդ թերթերուն մէջ տեղադրուած են արեւային բանելներ, որոնք ցերեկուան ընթացքին կը ծծեն արեւի լոյսն ու ջերմութիւնը, կը փոխակերպեն ելեկտրականութեան եւ մութը իյնալուն պէս զայն կը վերափոխեն լոյսի^[3], աւելի ճշգրիտ՝ լուսային շոյի^[4]^[5]^[6]։ Ամբողջ համակարգը տարեկան կ'արտադրէ 46.500 քիլօ ուաթ/ժամ ելեկտրականութիւն, որով միաժամանակ կ'ապահովէ Զադարի ծովեզերքի լուսաւորութեան համար անհրաժեշտ ելեկտրականութեան քանակութեան մօտաւորապէս 50 տոկոսը^[6]։

Ինստալիացիան իրենցմէ կը ներկայացնէ արեգակնային համակարգը։ Կեդրոնը գտնուող 22օ ուետր տրամագիծով շրջանը կը խորհրդանշէ Արեւը։ Անոր քրոմապատ շրջանակին վրայ նշուած են այն սուրբերու անունները, որոնց նուիրուած սրբավայրեր կան (կամ ժամանակ մը եղած են) Զադարի թերակղզիին վրայ։ Համամասնական չափերով պատրաստուած են մոլորակներու խորհրդանիշերը։

Ըստ հաշուարկներու՝ լուսային շօն կը տեւէ 50 տարի՝ 2008 թուականէն սկսած ^[7]։