Յովասափ
| Յովասափ | |
|---|---|
| Մասնագիտութիւն | մանրանկարիչ |
Յովասափ (), հայ գրիչ եւ մանրանկարիչ՝ 1273-1292 թուականներու։ Կիլիկիոյ մանրանկարչութեան դպրոցի ներկայացուցիչ։
Կենսագրական գիծեր
[Խմբագրել | Խմբագրել աղբիւրը]Յովասափ եղած է Մոմիկի ուսուցիչը։ Իր քսանամեայ գրչական եւ մանրանկարչական գործունէութենէն ծանօթ են սակաւ երկեր։
1273 թուականին Սկեւռայի մէջ Յովասափի ծաղկած Աւետարանի (Պոլսոյ Թոփգաբու Սարայ թանգարան, ձեռ. № 122) խորաններու, 4 աւետարանիչներու դիմանկարներու, անուանաթերթերու, տէրունական պատկերներու («Ծնունդ», «Մկրտութիւն») եւ լուսանցազարդերու մերձաւորութիւնը «Սմբատ Սպարապետի Աւետարանի» որոշ ձեւաւորումներու հետ կ'ենթադրուի, որ Յովասափինն են նաեւ այդ ձեռագիրի Մատթէոս եւ Մարկոս աւետարանիչներու դիմանկարները։
Հաւանօրէն Յովասափն է հեղինակը նաեւ 1270 թուականին Գռների մէջ ընդօրինակուած Աստուածաշունչի (Մատենադարան, ձեռ. № 345) Մատթէոսի դիմանկարի։
1273 թուականի Աւետարանի համանուն պատկերներու հետ կը նոյնանան Կոպիտառի մէջ ընդօրինակուած ստոյգ թուական չունեցող Աւետարանի (Նոր Ջուղայի մատենադարան, ձեռ. № 57/161) «ԾՆունդ» եւ «Մկրտութիւն» մանրանկարները։
Յովասափի մանրանկարներու զարդաձեւերը կիրարկած են 13-րդ դարու 2-րդ կէսի կիլիկեան մանրանկարիչները։
Աղբիւրներ
[Խմբագրել | Խմբագրել աղբիւրը]- Հայ Նկարողներ (ԺԱ․-ԺԷ․ Դար), Նորայր արք․ Ծովական, Երուսաղէմ, տպարան Սրպոց Յակոբեանց,1989, էջ 34։
Այս յօդուածի կամ անոր բաժնի որոշակի հատուած վերցուած է «Հայ գրատպություն և գրքարվեստ» հանրագիտարանէն, որու նիւթերը թողարկուած են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թոյլատրագրի ներքոյ։ 
