Յակոբ Ս. Անասեան

Jump to navigation Jump to search

Ծնած է 15 Մայիս 1904
Ծննդավայր Արզական
Մահացած է 29 Յունուար 1988
Մահուան վայր Լոս Անճելըս, Քալիֆորնիա, Ամերիկայի Միացեալ Նահանգներ[1]
Քաղաքացիութիւն Flag of the Ottoman Empire (1844–1922).svg Օսմանեան Կայսրութիւն
Flag of the Soviet Union.svg Խորհրդային Ընկերվարական Հանրապետութիւններու Միութիւն
Ազգութիւն Հայ
Կոչում փրոֆէսոր[1]
Մասնագիտութիւն Պատմաբան, Մատենագէտ
Աշխատավայր Երեւանի Պետական Համալսարան
Հայաստանի Գիտութիւններու Ազգային Ակադեմիայի Պատմութեան Հիմնարկ[2]
Քալիֆորնիա Համալսարան (Լոս Անճելըս)
Երեխաներ Հենրիկ Անասեան

Յակոբ Ս. Անասեան (15 Մայիս 1904, Արզական – 29 Յունուար 1988, Լոս Անճելըս), հայ պատմաբան, մատենագէտ եւ բանասէր:

Կենսագրութիւն[Խմբագրել | Խմբագրել աղբիւրը]

Ուսումը ստացած է Վենետիկի Ս. Ղազարի բարձրագոյն վարժարանին մէջ: 1947 թուականին կը ներգաղթէ Խորհրդային Հայաստան, հաստատուելով Երեւան: 1947էն պաշտօնի կը կոչուի ՀՍՍՀ Գիտութիւններու Ակադեմիայի պատմութեան ինստիտուտին մէջ իբրեւ գիտաշխատող: Յ. Անասեան ամբողջապէս կը նուիրուի գիտական աշխատանքի: Ան հանդէս կու քայ որպէս հմուտ պատմաբան-աղբիւրագէտ, մատենագէտ ու բանասէր:

Իր գիտական գործունէութեան ընթացքին, Յ. Անասեան ի յայտ կը բերէ 17րդ դարու արեւմտահայ ազատագրական շարժումներու մասին նոր փաստեր: Իր հետազօտութեանց գլխաւոր առանցքը դարձնելով 17րդ դարու ազգային-ազատագրական շարժումներն ու լեհ-թրքական յարաբերութիւններու պատմութիւնը՝ հրատարակեց բազմաթիւ յոդուածներ եւ ուսումնասիրութիւններ: Նշանակալից են Յ. Անասեանի բնագրագիտական հրապարակումները: Ան գիտական շրջանառութեան մէջ դրած է Բիւզանդիոյ անկումի շրջանին եւ 17րդ դարու լեհ-թրքական յարաբերութիւններու պատմութեան վերաբերող հայկական աղբիւրները եւ Վարդան Այգեկցիի «Արմատ Հաւատոյ» երկը:

Միացեալ Նահանքներ արտագաղթելով, այցելու դասախօս կը դառնայ Եու. Սի. Էլ. Էյ. Համալսարանի Նարեկացիի անուան հայագիտական ամբիոնին:

Յ. Ս. Անասեան կը մահանայ 1988-ին, Միացեալ Նահանքներ:

Գործեր[Խմբագրել | Խմբագրել աղբիւրը]

Յ. Անասեանի գրչին կը պատկանին.

  • «Հայկական Մատենագիտութիւն» (Ա. Հատոր, Երեւան, 1959),
  • «Հայկական Աղբիւրներ Բիւզանդիայի Անկման Մասին» (Երեւան, 1957),
  • «17րդ Դարի Ազատագրական Շարժումները Արեւմտեան Հայաստանում» (Երեւան, 1961),
  • «Յովհաննէս Կամենացի, Պատմութիւն Պատերազմին Խութինու» (Երեւան, 1964),
  • «Վարդան Այգեկցին՝ իր նորայայտ երկերի լոյսի տակ» (Վենետիկ, 1969):

Աղբիւրներ[Խմբագրել | Խմբագրել աղբիւրը]

  • Ա. Հ. Թոփալեան, Հայկազեան Հայագիտական Հանդէս, Հատոր ԺԱ., Պէյրութ, 1991, էջ 309-310
  1. 1,0 1,1 Հայկական համառոտ հանրագիտարան — 1990. — հատոր 1.
  2. Հայկական սովետական հանրագիտարան / խմբ. Վ. Համբարձումյան, Կ. Խուդավերդյան — 1974. — հատոր 1. — է. 368.