Յակոբ Պետրոս Բ․ Յովսէփեան

Յակոբ Պետրոս Բ․ Յովսէփեան
Ծնած է	17-րդ դար
Ծննդավայր	Հալէպ
Մահացած է	1753
Մահուան վայր	Զմմառ, Քեսըրուանի շրջան, Լեռնային Լիբանանի նահանգ, Լիբանան
Քաղաքացիութիւն	Սուրիա
Կրօնք	Հռոմի Կաթոլիկ եկեղեցի և Հայ Կաթողիկէ Եկեղեցի
Մասնագիտութիւն	Կաթոլիկ քահանայ և Կաթոլիկ եպիսկոպոս
Վարած պաշտօններ	Թեմի առաջնորդ և Տանն Կիլիկիոյ Կաթողիկէ Հայոց Կաթողիկոս Պատրիարք

Յակոբ Պետրոս Բ․ Յովսէփեան (17-րդ դար, Հալէպ - 1753, Զմմառ, Քեսըրուանի շրջան, Լեռնային Լիբանանի նահանգ, Լիբանան), Տանն Կիլիկիոյ Կաթողիկէ Հայոց երկրորդ կաթողիկոս պատրիարքը։

Կեանք եւ գործունէութիւն

Ծնած է Հալէպ։ Հալէպցի երիտասարդը տասը տարի Քատիշայի Ս. Անտոն վանքին մէջ կրօնաւորական կեանք վարելէ ետք, վերադարձած է իր ծննդավայրը եւ Հալէպի Առաջնորդ Արծիւեանի ձեռքով վարդապետ ձեռնադրուած՝ 1720-ին:

1722-ին հալածանքները երբ Արծիւեան Եպիսկոպոսը աքսորի դատապարտած են, Յակոբ վարդապետ քանի մը ընկերներով իրենց ինչքերը վաճառած են ու գոյացած գումարին մէկ մասով Քրէյմի (Լիբանան) ագարակը գնած են՝ հոն հայկական վանք մը շինելու համար, իսկ միւս մասով՝ Աբրահամ Եպիսկոպոսը Արուատ կղզիէն ազատած են ու Քրէյմ բերած:

1735-ին, իբրեւ տեղապահ Հալէպ վերադառնալով, Յակոբ վարդապետ յաջողած է փաշային ձեռքով եկեղեցի մը ունենալ եւ Արծիւեանն ալ Հալէպ վերադարձնել (1739): Արծիւեան, Հալէպ հասած, Յակոբ եւ ուրիշ երկու վարդապետներ եպիսկոպոս ձեռնադրած է եւ անոնց ձեռքով՝ Պատրիարք օծուած, 26 Նոյեմբեր 1740-ին:

Յակոբ Եպիսկոպոս, ժամանակ մը Հալէպի իր թեմը հովուելէ ետք, հարկադրուած է ապաստանիլ Քրէյմ, Արծիւեանի մօտ: 35 տարիներ Արծիւեանին իբրեւ օգնական ծառայելէ ետք, անոր վախճանումէն ետք, անոր յաջորդը ընտրուած է՝ 14 Հոկտեմբեր 1740-ին:

Իր չորս տարիներու Պատրիարքութեան կարճատեւ շրջանը յատկացուցած է Զմմառու Վանքը կառուցելու եւ Պատրիարքութեան Աթոռը Քրէյմէն հոն փոխադրելու (1749-ին) աշխատանքին, ինչպէս հրահանգած էր հիմնադիր Պատրիարք Հայրը, որուն կենդանութեան օրով իսկ վանքին շինութեան ձեռնարկած էր:

Յակոբ Բ., Աբրահամ Արծիւեանի հետ հիմնադիրը եղած է թէ՛ Անտոնեան Միաբանութեան եւ թէ Քրէյմի վանքին: