Յակոբ Մարտիրոսեան

Jump to navigation Jump to search

Ծնած է 1943
Ծննդավայր Սուրիոյ Արաբ-բունար գիւղաքաղաքը
Քաղաքացիութիւն Սուրիա
Ազգութիւն Հայ
Կարողութիւն Հիմնադիր Անթիլիասի ՌԱԿ Յովսէփեան ակումբին
Մասնագիտութիւն հաշուապահութեան եւ տնտեսագիտութեան մարզեր
Աշխատավայր Հաստատութիւններու բաժնի տնօրէն: Խմբագիր:

Յակոբ Մարտիրոսեան (ծն․՝ 1943, Արաբ-բունար (Սուրիա))-ին: Վարած է զանազան հաստատութիւններու բաժնի տնօրէնութեան պաշտօններ: Հիմնադիը Անթիլիասի ՌԱԿ Յովսէփեան ակումբին: խմբագիր[1]:

Կենսագրութիւն[Խմբագրել | Խմբագրել աղբիւրը]

Յակոբ Մարտիրոսեան ծնած է Սուրիոյ Արաբ-բունար գիւղաքաղաքը 1943-ին: 1949-ին Հալէպ փոխադրուած է ուր յաճախած է տեղւոյն Կրթասիրաց վարժարանը, ապա Հայկական Բարեգործական Ընդհանուր Միութեան, Լազար Նաճարեան-Գալուստ Կիւլպէնկեան երկրորդական վարժարանը, եւ վկայուած 1964-ին:

Նոյն տարին, քաղաքական աննպաստ պայմաններու հետեւանքով ընտանեօք տեղափոխուած են Լիբանան, Պէյրութ, ուր շարունակած է իր ուսումը, հաշուապահութեան եւ տնտեսագիտութեան մարզերուն մէջ:

Ապա լծուած աշխատանքի զանազան հաստատութիւններու մէջ, ինչպէս Ապրոյեան հաստատութիւն եւ Պանք Ալ Արապի, վարելով բաժնի տնօրէնութեան պաշտօններ:

1976-ին հաստատուած է Լոս Անճելըս, Միացեալ Նահանգներ, ուր շարունակած է աշխատիլ արհեստավարժ ինքնաշարժի ընկերութիւններու եւ հաստատութիւններու մէջ, ուսումը շարունակելով եւ մասնագիտանալով այդ ճիւղին մէջ։ Հանգստեան կոչուած է 2012-ին:

Անդամակցութիւն[Խմբագրել | Խմբագրել աղբիւրը]

Յակոբ Մարտիրոսեան անդամակցած է ՌԱԿ ՝Ռամկավար Ազատական Կուսակցութեան, ՀԲԸՄ-ին եւ Թէքէեան Մշակութային Միութեան, 1958 թուականէն սկսեալ, Հալէպ, Սուրիա:

Ան շարունակած է իր միութենական եւ կուսակցական գործունէութիւնները Լիբանանի մէջ, Պէյրութ, ուր անդամակցած է Փորթուգալեան ակումբին, եւ եղած է հիմնադիը Անթիլիասի ՌԱԿ Յովսէփեան ակումբին:

Լոս Անճելըսի մէջ, շարունակած է իր միութենական եւ կուսակցական աշխատանքները վարելով ատենադպիրի պաշտօններ Գերսամ Ահարոնեան ակումբին եւ ՌԱԿ Արեւմտեան Ամերիկայի Շրջանային Վարչութեանց մէջ, ատենապետի պաշտօն՝ Ռուբէն Հերեան ակումբի:

Խմբագրական աշխատանք[Խմբագրել | Խմբագրել աղբիւրը]

Յակոբ Մարտիրոսեան Վարած է «Նոր Օր» շաբաթերթի խմբագիրի պաշտօնը 2011 թուականէն մինչեւ Մարտ 2016 թուականը:

Ծանօթագրութիւններ[Խմբագրել | Խմբագրել աղբիւրը]