Մոտի (ժապաւէն)

Մոտի
	Մոտի ժապաւէնին դերակատարները
	Maudie
Բեմադրիչ	Այսլինկ Ուոլշ
Արտադրիչ	Պոպ Քուբըր; Մերի Եանկ Լեքի; Մերի Սեքսթոն; Սուզան Միւլեն
Երաժշտութիւն	Մայքլ Թիմինզ
Արտադրող ; ընկերութիւններ	Rink Rat Productions; Screen Door; Parallel Films
Թողարկման; թուական	2 Սեպտեմբեր 2016 (Telluride) 14 Ապրիլ 2017 (Գանատա) Յուլիս 2017 (Իրլանտա)
Տեւողութիւն	116 վայրկեան
Երկիր	Իրլանտա ; Գանատա
Լեզու	Անգլերէն
Պիւտճէ	$9․7միլիոն

Maudie. շարժարուեստի կենսագրական ժապաւէն։ 2016-ի Իրլանտայի եւ Գանատայի միասնական արտադրութիւն։ Բեմադրիչն է Էյսլինկ Ուալշ (Aisling Walsh), իսկ դերակատարներն են Սալի Հոքինզ (Sally Hawkins) եւ Իթան Հոք (Ethan Hawke)։

Ֆիլմը առաջին անգամ կը ցուցադրուի Թելուրիտ ֆիլմի փառատօնին (Telluride Film Festival) 2016-ին։ Ընտրուած էր Թորոնթոյի Ֆիլմի միջազգային փառատօնին շնորհանդէսի բաժնին, իսկ ուրիշ փառատօներու ընթացքին շահած է պատգառելի թիւով մրցանակներ։

Նիւթը

Ժապաւէնը կ՛անդրադառնայ ժողովրդային գեղանկարիչ Մոտիին կեանքին մասին։ 1930-ական թուականներուն Մոտի կ՛ապրէր իր եղբօր՝ Չարլսին եւ քեռկին Իտային հետ։ Ան, երիտասարդ տարիքէն յօդախտութենէ կը տառապէր, իսկ իր ընտանեկան պարագաները կասկածի տակ առած էին իր կարողութիւնները։ Մոտի, կը սարտչի երբ կ՛իմանայ թէ եղբայրը ծախած է իրենց ընտանեկան տունը։ Անտուն, որպէս տնային տնտեսուհի կը տեղախոխուի ձկնավաճառ Էվըրեթ Լիուիսին (Everett Lewis) բնակարանը, երբ տեղական թերթին մէջ կը կարդայ ձկնավաճառին կողմէն դրուած «տունի սպասուհի մը կ՛ուզուի» ծանուցումը։ Հակառակ թէ երկուքն ալ տարբեր նկարագրի եւ բնաւորութեան տէր անձեր են, կ՛ամուսնանան։

Փոքրիկ տան մէջ, Մոտի կը սկսի պզտիկ գեղանկարչութիւններ ընել։ Զայն կը քաջալերէ ամուսինին յաճախորդներէն՝ Նիու Եորքի բնակիչ Սանտրան։ Կամաց կամաց, Մոտիին գեղանկարչութիւնները լայն ժողովրդականութեան կ՛արժանանան։ Նոյնիսկ, այդ օրերուն Ա․Մ․Ն․ փոխ-նախագահ Ռիչըրտ Նիքսըն կը գնէ իր մէկ գեղանկարչութիւնը։ Մոտի եւ ամուսինը հանդէս կու գան հեռատեսիլի կայանէն։

Քեռկինը՝ Իտա, Մոտիին կը խոստավանի թէ իր ծնունդ տուած աղջիկ զաւակը չէ մեռած եւ կ՛ապրի (Մոտի վաղ երիտասարդութեան ժամանակ յղի մնացած էր)։ Հաւատալով թէ ան, ի տեղի չէ զաւակ մեծցնել, աղջնակը որդեգրութեան տւոած են բարեկեցիկ ընտանիքի մը։ Էվըրեթ, զայն ինքնաշարժով կը տանի զաւակը որդեգրած ընտանիքին բանակարանը ու Մոտի հեռուէին առաջին անգամ կը տեսնէ մեծցած աղջիկը, որ երջանիկ կեանք ապրողի երեւոյթ ունի։

Սակայն, Մոտիին յօդախտութիւնը կը վատթարանայ եւ Մոտի իր աչքերը կը բակէ հիւանդանոցին մէջ։ Իր վերջին խօսքերը ուղղուած են Էվըրեթին, որուն կ՛ըսէ թէ ինք, իրմէ սիրուած կը զգայ։

^[1] ^[2] ^[3] ^[4] ^[5] ^[6] ^[7] ^[8]

Ծանօթագրութիւններ

[1] variety․ Մոտի ֆիլմին մասին, 18-10-2016(անգլերէն)

[2] Թելիւրիտի 43րդ փառատօն, 19-10-2016(անգլերէն)

[3] Մոտին ճանչցուց եւ քարտէսին դրաւ Նիուֆաունտլանտ, կ՛ըսէ արտադրիչ Մերի Սեքսթոն, CBC, 28-10-2015(անգլերէն)

[4] CBC․Մոտի Լիուիս․ Քանատական պատմութիւն մը, կ՛ըսէ ֆիլմին բեմադրիչը, 10-4-2017(անգլերէն)

[5] Ճանչնալով իւրայատուկ ու ազնիւ կինը, քողարկուած գղանկարիչին ետեւը՝ Մոտի․ Thorne, Tara (12 Ապրիլ 2017)

[6] Մոտի ֆիլմին ծանուցումը(անգլերէն)

[7] National Post․ Մոտի ֆիլմը գեղանկարիչի մը կենսագրականն է, որուն նկարչութիւնները անոր կեանքն էին, եւ որուն կեանքը իր նկարչութիւններն էին, 20-4-2017(անգլերէն)^{[permanent dead link]}

[8] The Irish Times․ Միշտ եղած են Մոտիին նման մարտիկ, 28-10-2017(անգլերէն)

[1]

[2]

[3]

[4]

[5]

[6]

[7]

[8]