Մովսէս Արծկեցի
| Մովսէս Արծկեցի | |
|---|---|
| Ծնած է | անյայտ |
| Մահացած է | անյայտ |
| Ազգութիւն | Հայ[1] |
| Մասնագիտութիւն | գրիչ և մատենագիր |
Մովսէս Արծկեցի, հայ ժամանակագիր, Արծկէի վանքին մէջ հիմնուած գրչութեան կեդրոնի վարդապետ։
Կենսագրական գիծեր
[Խմբագրել | Խմբագրել աղբիւրը]Ան որդին էր Դանիէլ քահանայի եւ Հայխաթունի։ ԾՆած է շուրջ 1440-ին։ Իբրեւ դպիր յիշուած է 1460-ին։ Հայրը յայտնի գրիչ մը եղած է, ինքն ալ հետեւած է հօր արուեստին եւ դարձած է «քաջ քարտուղար»։ Ունեցած է երկու որդիներ՝ Միքայէլ եւ Անանիա:
Գրչադրական իր աշխատանքներէն կարելի է յիշել հետեւեալները․
- Գանձարան, օրինակած եւ ծաղկած է 1472–ին, Արծկէ քաղաքին մէջ, ի վայելումն որդւոյն՝ Միայելի,
- Յայսմաւուրքի մը Երկրորդ Հատորը, օրինակած է 1481–ին, Արծկէի մէջ, Մկրտիչ կրօնաւորի խնդրանքով,
- Շարական, օրինակած է 1482–ին, Թումայ կրօնաւորի համար,
- Ժողովածոյ Տաղարան, օրինակած է 1485–ին, Ամիթի մէջ, ի վայելումն Համշիրաք եղբօր տէր Յովանիսին»,
- Ճառընտիր, օրինակած է 1491–ին, Արծկէի մէջ, գործակցութեամբ Յակոբ գիրչի, տանուտէր Խալիֆի խնդրանքով, Ձեռ. Երեւանի Մատենադարան, թիւ 4822,
- Մեկնութիւն Կաթողիկեայց Թղթը՝ Սարգսի Շնորհալւոյ, որենակած է 1493–ին, Արծկէի մէջ. ելաթայ Վարդան Եպիսկոպոսին համար —
Մովսէս Արծկեցի գրած է նաեւ տաղաչափեալ «Տարեգրութիւն» երկը, որուն հեղինակային ձեռագիր-բնագիրը ժամանակին գտնուած է Բաղէշի (Պիթլիս) Ամրtոլու վանքի ձեռագիրի մը գանձարանին մէջ։
Արծկեցի մեծ գրչական գործուէութիւն ծաւալել 1480-90-ական թուականներուն։
Ծանօթագրութիւններ
[Խմբագրել | Խմբագրել աղբիւրը]- ↑ Հայկական սովետական հանրագիտարան, հատոր 8 — հատոր 8. — է. 39–40.
Աղբիւներ
[Խմբագրել | Խմբագրել աղբիւրը]Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։  |