Մոնիքա Պելուչի
| Մոնիքա Պելուչի Monica Bellucci | |
|---|---|
 Մոնիքա Պելուչի, 2022-ին | |
| Ծննդեան անուն | իտալ.՝ Monica Anna Maria Bellucci |
| Ծնած է | 30 Սեպտեմբեր, 1964 |
| Ծննդավայր | Չիթա տի Քասթելօ, Բերուճիա, Իտալիա |
| Քաղաքացիութիւն |
 Իտալիա[1] |
| Ազգութիւն | իտալացի |
| Մայրենի լեզու | Իտալերէն |
| Ուսումնավայր | Բերուճիայի համալսարան |
| Մասնագիտութիւն | դերասան, |
| Ամուսին | Գլաուտիօ Քարլոս Պասօ և Վենսան Քասել[2] |
| Երեխաներ | Տեւա Քասել և Լէոնի Քասել |
Մոնիքա Աննա-Մարիա Պելուչի (իտալերէն՝ Monica Anna Maria Bellucci, Ումպրիա, Իտալիա, 30 Սեպտեմբեր 1964), իտալացի դերասանուհի եւ նորաձեւութեան մոտել (կերպար)։ Իր ասպարէզը սկսաւ իբրեւ նորաձեւութեան մանեքէն, նախքան իտալական, ամերիկեան եւ ֆրանսական ժապաւէններու մէջ աշխատի:
Առաջին տարիները
[Խմբագրել | Խմբագրել աղբիւրը]Մոնիքա Պելուչի ծնած է Իտալիոյ Ումպրիա նահանգին Չիթա տի Քասթելօ շրջանին մէջ։ Պրունելա Մրիկաթիի եւ Փասքուալէ Պելուչիի միակ զաւակն է եւ մեծցած է Սան Ճուսթինօ։
Ասպարէզ
[Խմբագրել | Խմբագրել աղբիւրը]Նորաձեւութեան Դերակատար
[Խմբագրել | Խմբագրել աղբիւրը]
Պելուչի իր նորաձեւութեան ասպարեզը սկսաւ 1977-ին, տասներեք տարեկան հասակին։ Դպրոցը աւարտելէ ետք, իրաւաբանութիւն կ՛ուսանի Փերուճիայի համալսարանին մէջ, սակայն 1988-ին ուսումը կը ձգէ հետեւելու համար նորաձեւութեան ասպարէզին, ստորագրելով «Elite Model Management»-ին հետ եւ Միլան կը փոխադրուի։ 1989-ին, կը սկսի աշխատիլ որպէս մանեքէն Փարիզ եւ Նիւ Եորք։ Կը նկարահանուի «Dolce & Gabbana»ի եւ Elle-ի ֆրանսական հրատարակութեան համար։ 2001-ին, կը յայտնուի «Esquire» պարբերաթերթին կողքին վրայ։
2003-ին, կը լուսանկարուի «Maxim» պարբերաթերթին համար եւ «Men's Health» զինքը կը ներառնէ «Բոլոր Ժամանակներու 100 Ամէնէն Ցանկալի Կիներուն» ցանկին մէջ՝ թիւ 21-րդ։ Նոյն տարին, երկու ազգային թերթեր զինք կ՛անուանեն իտալական սեռի (սեքսի) խորհրդանիշ։
2004-ին, երբ իր աղջիկին՝ Տեւային յղի էր, մերկ կը լուսանկարուի «Vanity Fair»ի իտալական հրատարակութեան համար, որպէսզի իր հակառակութիւնը ցոյց տայ Իտալական օրէնսդրութեան եւ սերմնահեղուկի նուիրատուութեան արգելքին, եւ դարձեալ կը լուսանկարուի նոյն պարբերաթերթին համար 2010-ին, երբ իր երկրորդ աղջիկին յղի էր։ 2006-էն մինչեւ 2010, Պելուչի եղած է «Dior»ի արտադրանքներուն դէմքը։
2012-ին, Պելուչի «Dolce & Gabbana»ի դէմքը կը դառնայ։ Փետրուար 2016-ին, կը լուսանկարուի իտալական GQ-ի համար։ 2019-ի գարնան, Միլանի նորաձեւութեան շաբթուան ընթացքին կը տողանձէ «Dolce & Gabbana»ին համար։
Անձնական կեանք
[Խմբագրել | Խմբագրել աղբիւրը]
1990 մինչեւ 1994 ամուսնացած էր լուսանկարիչ Գլաուտիօ Քարլոս Պասոյի հետ։
1996-ին, «Բնակարան քաղաքի կեդրոնին մէջ» ժապաւէնին նկարահանման ընթացքին, կը ծանօթանայ ֆրանսացի դերասան Վենսան Քասելին։ Անոնք կ՛ամուսնանան 1999-ին ու կ՛ունենան երկու դուստր՝ Տեւա (ծնած 2004-ին) եւ Լէոնի (ծնած 2010-ին), եւ միասին խաղցած են 10 ժապաւէններու մէջ։ Զոյգը իրենց ամուսնալուծումը կը յայտարարէ Օգոստոս 26, 2013-ին։
Կրօնքի մասին ան յայտնած է․-«Թէեւ կը յարգեմ եւ կը հետաքրքրուիմ բոլոր կրօնքներով, սակայն անաստուած եմ։ Եթէ կայ բան մը, որուն կը հաւատամ, անիկա խորհրդաւոր ուժ մըն է, այդ մէկը, որ գոյութիւն ունի ովկիանոսներուն մէջ եւ կը կապէ բնութիւնը արարածներուն հետ»։
Մրցանակներ եւ գնահատանքներ
[Խմբագրել | Խմբագրել աղբիւրը]
2003-ին, Պելուչի կ՛արժանանայ «Արծաթէ ժապաւէն» մրցանակին (Nastro d'Argento), երկրորդական դերակատարման լաւագոյն դերասանուհիի համար, «Անհաւատարմութիւններ» (Infidelities) ժապաւէնին մէջ Ալեսիայի դերին համար։
2006-ին, ան կը մասնակցի Քաննի 59-րդ շարժապատկերի փառատօնին որպէս դատակազմի անդամ։ 2009-ին, ան կ՛արժանանայ Համաշխարհային դերասանուհիի մրցանակին Կանանց համաշխարհային մրցանակաբաշխութեան ընթացքին։
2023-ին, Թեսաղոնիկէի 64-րդ շարժապատկերի փառատօնին, իրեն կը շնորհեն «Ոսկէ Աղեքսանդր» մրցանակին, շարժապատկերի բնագաւառին մէջ իր ունեցած ցկեանս նուաճումներուն համար։
Ժապաւէններ
[Խմբագրել | Խմբագրել աղբիւրը]| Տարի | Տիտղոս | Դեր |
|---|---|---|
| 1990 | Vita coi figli | Էլտա |
| 1991 | La Riffa | Ֆրանչեսքա |
| 1992 | Տրաքուլա (Bram Stoker's Dracula) |
Տրաքուլային հարսը |
| Ostinato Destino | Մարինա/Անճելա | |
| 1994 | Briganti - amore e liberta | Գոսթանծա |
| I Miltici | Տեպորա | |
| 1995 | Snowball | Մելինա |
| Joseph | Ֆարաոյին կողակիցը | |
| 1996 | Յարկաբաժինը
(L'appartment) |
Լիզա |
| Sorellina e il principe del sogno | իշխանուհի | |
| 1997 | Dobermann | Նաթ |
| Mauvais genre | Գամիլ | |
| Come mi vuoi | Նելինա | |
| 1998 | La Plalsir | աղջիկ |
| Compromise | Մոնիք | |
| Kaputt Mundi | Ճուլիա Ճովանի | |
| A los que aman | Վալերիա | |
| 1999 | Comme un poisson hors de l'eau | Միրթիլ |
| Méditerranées | Մարկուերի | |
| 2000 | Under Suspicion | Շանթալ Հերսթ |
| Franck Spadone | Լաուրա | |
| Մալենա (Malena) |
Մալենա Սքորտիա | |
| 2001 | Le Pacte des loups | Սիլվիա |
| 2002 | Ասթերիքս եւ Օպելիքս՝ Քլէոբաթրա առաքելութիւն
(Astérix & Obélix: Mission Cléopâtre) |
Քլէոբաթրա |
| Անշրջելի (Irreversible) |
Ալեքս | |
| 2003 | Յիշէ զիս, սիրելիս
(Remember Me, My Lov)e |
Ալեսիա |
| Արեւուն արցունքները
(Tears of the Sun) |
Տք․Լենա Ֆոն Քենտրիքս | |
| The Matrix Reloaded | Բերսեֆոնի | |
| The Matrix Revolutions | Բերսեֆոնի | |
| 2004 | Յիսուսին կիրքերը (The Passion of the Christ) |
Մարիա Մակտալենա |
| Գաղտնի գործակալ
(Secret Agents) |
Պարպարա/Լիսա | |
| She Hate Me | Սիմոնա Պոնասերա | |
| 2005 | Combien tu m'aimes? | Տանիելա |
| 2006 | Նափոլէոնն ու ես
(Napoleon and Me) |
Էմիլիա Սբեծիալի |
| The Stone Council | Լորա Շիբրիեն | |
| 2007 | Manuale d'amore 2 | Լուչիա |
| Shoot 'Em Up | Տոնա Քուինթանօ | |
| Երկրորդ փչումը
(Le deuxième souffle) |
Մանուչէ | |
| 2008 | Sanguepazzo | Լուիզա Ֆերիտա |
| L'uomo che ama | Ալպա | |
| 2009 | Ne te retourne pas | Ճին |
| The Private Lives of Pippa Lee | Ճիճի Լի | |
| Baarìa – La porta del vento | Պրիքլէյըրին ընկերուհին | |
| Omaggio a Roma | Թոսքա | |
| 2010 | The Whisteblower | Լաուրա ԼԵվիանի |
| The Sorcerer's Apprentice | Վերոնիքա | |
| 2011 | Manuale d'amore 3 | Վայոլա |
| Un été brûlant | Անժել | |
| 2012 | Rhino Season | Մինա |
| 2013 | Des gens qui s'embrassent | Ճիովանա |
| 2014 | The Wonders | Միլի Քաթենա |
| Na Quebrada | Բաոլա | |
| 2015 | Ville-Marie | Սօֆի |
| Spectre | Լուչիա Սքիարա | |
| 2016 | On the Milky Road | Նեվեսթա |
| Mozart in the jungle | Ալեսանտրա | |
| 2018 | Nektrotronic | Ֆինեկան |
| Call My Agent! | ինքզինքը | |
| 2019 | The Best Years of a Life | Էլենա |
| Spider in the Web | Անճելա | |
| 2020 | Radical Eye: The Life and Times of Tina Modotti | Թինա Մոնթոնի |
| Տարի | Տիտղոս | Դեր | Յարադէպ |
|---|---|---|---|
| 2016 | Mozart in the Jungle | Ալեսանտրա | 5 յարադէպ |
| 2017 | Twin Peaks | ինքզինքը | յարադէպ՝ "Part 14" |
| 2018 | Call My Agent! | ինքզինքը | յարադէպ՝ "Monica" & "ASK" |
Ծանօթագրութիւններ
[Խմբագրել | Խմբագրել աղբիւրը]- ↑ Գերմանիայի ազգային գրադարանի կատալոգ
- ↑ http://www.lefigaro.fr/flash-actu/2013/08/26/97001-20130826FILWWW00340-monica-bellucci-et-vincent-cassel-annoncent-leur-separation.php
- ↑ Մոնիքա Պելուչի կեսագրութիւն(անգլերէն)
- ↑ Մոնիքա Պելուչի կենսագրութիւն եւ դերերը՝ Persephone, The Matrix Reloaded, The Matrix Revolutions եւ The Matrix Resurrections(անգլերէն)
- ↑ Մոնիքա Պելուչի կենսագրութիւն, ժապաւէնագրութիւն եւ Հեռատեսիլ(անգլերէն)
- ↑ Getty Images> Monica bellucci cannes 2002 Մոնիքա Պելուչի Քանն, 2002(անգլերէն)[permanent dead link]
- ↑ The Review Interviews․ Մոնիքա Պելուչի
- ↑ GQ Italia-ն Օգոստոս 2015-ի իր թիւին կողքը նուիրեց հիասքանչ Մոնիքա Պելուչիին(անգլերէն)
- ↑ Le Figaro-Մոնիքա Պելուչի եւ Վինսենթ Քասել կը յայտարարեն իրենց ամուսնալուծութիւնը, 26-8-2013(ֆր.)
- ↑ [https://www.fashionmodeldirectory.com/models/monica_bellucci/ The Fashion Model Directory (FMD) Նորաձեւոթեան դերակատար, Մոնիքա Պելուչի,4-4-2022(անգլերէն) ]
- ↑ Մոնիքա Պելուչի կը պարգեւատրուի Ոսկեայ Ալեքսանտրով, 10-11-2023․ Նաֆթեմպորիքի(յունարէն)
- ↑ Մոնիքա Պելուչի - Մալենա treiler(անգլերէն)