Մնիմոսինի

Մնիմոսինի յուն․՝ Mνημοσύνη
Ծնողներ	հայր՝ Ուրանոս և Զեւս, մայր՝ Եէա և Գլիմենի
Երեխաներ	Գլիօ, Գալիոբի, Մելբոմենի, Ուրանիա, Էվթերբի, Թերփսիխորի, Էրաթօ, Բոլիմնիա, Թալիա, Աիդի, Մելեթի, Մնիմի, Թելքսինօի և Արխի

Մնիմոսինի (յուն․՝ Μνημοσύνη)․ Յունական դիցաբանութեան մէջ յիշողութեան պատկերացումն է։ Կը պատկանի Տիտանուհիներուն․ Եէային եւ Ուրանոսին դուստրն էր եւ Մուսաներուն մայրը (Զեւսէն)։

Դիցաբանութիւն

Իսիոդոսին Թէողոնիային մէջ, թագաւորներն եւ բանաստեղծները իրենց իշխող խօսքի զօրութիւնը կը ստանանՄնիմոսինիին տիրապետումէն եւ Մուսաներուն հետ իրենց յատուկ կապերէն։

Զեւս ինը օր շարունակ քնացաւ Մնիմոսինէի հետ, եւ այսպէս ստեղծուեցան ինը Մուսաները։ Ք․Ա․ 4-րդ դարու յունական թաղման արձանագրութիւններու շարքի մը համաձայն, որոնք գրուած էին տակտիլային վեցաչափով, Մնիմոսինի կը նշուի որպէս Ադեսի մէջ գտնուող գետի մը անունը, Լիթիի զուգահեռ: Մեռելներուն հոգիները Լիթիէն կը խմէին, որպէսզի իրենց նախորդ կեանքը չյիշեն երբ վերամարմնաւորուէին: Նորեկները Լիթիին խմելու փոխարէն, կը քաջալերուէին Մնիմոսինի գետէն խմել երբ մեռնէին։ Այս արձանագրութիւնները թերեւս կապ ունին մասնաւոր գաղտնի պաշտամունքի մը, կամ Օրֆիկեան բանաստեղծութեան մը հետ։

Նոյնպէս, անոնք որ կ'ուզէին խորհուրդ հարցնել ԹրոՖոնիոսի գուշակարանին մէջ՝ Վիօթիա, պէտք էր փոխն ի փոխ երկու աղբիւրներէ խմէին, որոնք կը կոչուէին «Լիթի» (մոռացում) եւ «Մնիմոսինի» (յիշողութիւն), որպէսզի անցեալը մոռցուէր, եւ յիշողութիւնը սկսէր ներկայէն։ Նման պատկեր մը նկարագրուած է նաեւ Պղատոնի «Պետութիւն» գործին մէջ։

Հին Աթէնքի մէջ Մնիմոսինիի արձան մը կար Զեւսի, Տիոնիսոսի եւ Ափոլոնի արձաններուն մօտ:

Աստղակերպ 57 Մնիմոսինի

1859-ին յայտնաբերուած աստղակերպին տրուեցաւ 57 Մնիմոսինի (57 Mnemosyne) անունը։

Աղբիւրներ

Νέα Δομή Հանրագիտարան,. Τεγόπουλος - Μανιατέας. 1996. էջ 224 հտ․ 22.