Մհեր Մկրտչեանի Թանգարան

Մհեր Մկրտչեանի Թանգարան
Տեսակ	հուշային թանգարան?
Երկիր	Հայաստան
Տեղագրութիւն	Գիւմրի
Հասցէ	Շ. Ռուսթավելու 30, Գյումրի3101
Հիմնադրուած է	2004
	40°47′20″N 43°50′34″E / 40.788781°N 43.842719°E

Մհեր Մկրտչեանի թանգարան, ԽՍՀՄ ժողովրդական արտիստ, կինոյի եւ թատրոնի մեծ կատակերգու Մհեր Մկրտչեանի թանգարանը հիմնադրուած է 2004 թուականին, բացումը տեղի ունեցած է 2006 թուականի 20 Դեկտեմբերին, 19-րդ դարու վերջին կառուցուած պատմաճարտարապետական արժէք ներկայացնող շէնքին մէջ։

Պատմութիւն

Թանգարանը կառուցուած է Գիւմրիի քաղաքապետարանի նախաձեռնութեամբ։

Թանգարանը կը լուսաբանէ մեծանուն արուեստագէտի կեանքն ու գործը։ Թանգարանի գործունէութեան նպատակն է այցելուներուն մօտիկէն ծանօթացնել հայ մեծ դերասան Ֆրունզիկ (Մհեր) Մկրտչեանի կեանքին ու ստեղծագործութեան։ Հետեւողականօրէն կը շարունակուի պրպտումներն ու հաւաքագրումը Մհեր Մկրտչեանին վերաբերուող նիւթերով՝ թանգարանային ֆոնտը հարստացնելու ուղղութեամբ։

Ցուցադրութիւն

Թանգարանին մէջ կը ցուցադրուին մեծ դերասանի բեմական հագուստներն ու իրերը, տարբեր ֆիլմերու մէջ («Նուագախմբի տղաները», «Մեր մանկութեան տանգոն», «Միմինօ», «Ալի Բաբան եւ քառասուն աւազակները», «Հին օրերի երգը», «Այբոլիտ-66») օգտագործած ռեկուիզիտներ։ Թանգարանի հաւաքածոներու մէջ մեծ արժէք ունին կամոդը՝ «Մեր մանկութեան տանգոն» ֆիլմէն, տակառիկը՝ «01-99» ֆիլմէն, գալիկոնը՝ «Նուագախմբի տղաները» ֆիլմէն։ Այստեղ կարելի է տեսնել մեծ դերասանի պարգեւներն ու նուէրները, անոր մասին պատմող լուսանկարներ, գիրքեր, անձնական իրեր։ Մեծ արտիստի կեանքի եւ ստեղծագործական գործունէութեան հետ կապուած թանգարանոին մէջ կայ 270-ղն (երկու հարիւր եօթանասուն) աւելի լուսանկարներ։ Պահպանուած է Մհեր Մկրտչեանի ձեռքով առնուած ծաղրանկարներ, պատկերներ, նամակներ, փաստաթուղթերու նմուշներ։

2007 թուականին թանգարանին մէջ տեղի ունեցած է Մհեր Մկրտչեանի թոռնուհիի՝ Իռէն Տերտէրեանի կողմէ թանգարանին շուրջ 1500 նոր ցուցանմուշներու յանձնման արարողութիւնը^[1]։

Միջոցառումներ

Թանգարանային աշխատանքներու զարգացման ճանապարհին ստեղծուած է «Համայնապատկան թանգարաններ» զբօսաշրջիկի ուղեցոյցը։ Թանգարանին մէջ տեղի կ՚ունենան թեմատիկ ցերեկոյթներ, զեկուցումներ, ռեֆերատներու ընթերցումներ, տարբեր ուսումնական հաստատութիւններու եւ հասարակական կազմակերպութիւններու մասնակցութեամբ։