Միհրան Ասքանազեան

Jump to navigation Jump to search
Միհրան Ասքանազեան
Ծնած է 1854
Ծննդավայր Կ. Պոլիս
Վախճանած է 20 Դեկտեմբեր 1904
Վախճանի վայրը Աղեքսանդրիա
Ազգութիւն հայ
Երկեր Գրագիտութիւն, Պոլիս, 1884
Մասնագիտութիւն Մանկավարժ, գրող, հրապարակագիր, խմբագիր
Ամուսին Կատարինէ Յակոբեան

Միհրան Ասքանազեան (1854 - 1904), հայ գրող, խմբագիր, մանկավարժ։

Կենսագրութիւն[Խմբագրել | Խմբագրել աղբիւրը]

Ծնած է Կ. Պոլսոյ Գատըգիւղ թաղամասը։ Անդրանիկ սանն է Պոլսահայ մանկավարժ ու հրապարակագիր՝ Ռեթէոս Պէրպէրեանի։ Պատանի տարիքէն նետուած է ուսուցչական ասպարէզ, դասաւանդելով հայ լեզու։ Ուսուցչագործած է Պոլսոյ Կեդրոնական, Պէրպէրեան, Արամեան, Մեզպուրեան վարժարաններուն մէջ։ Տնօրէն եղած է Ռոտոսթոյի ազգային վարժարանին։ 1896-ին գաղթած է Եգիպտոս։ Հոն շարունակած է վարել ուսուցչական պաշտօններ մինչեւ իր մահը՝ 20 Դեկտեմբեր 1904-ին։

Աշխատութիւններ[Խմբագրել | Խմբագրել աղբիւրը]

Ասքանազեան 4 Յունուար 1891էն սկսեալ հրատարակած է «Ծաղիկ Մանկանց» կրթական շաբաթաթերթը՝ 22 թիւ, որ Պոլսահայ ուսուցիչներու կողմէ գրուած մասնագիտական յօդուածներ կը պարունակէր։ Եգիպտոս տեղափոխութենէն ետք՝ 1903 - 1904-ին հիմնած է տպարան, ուրկէ լոյս ընծայած է «Պարտէզ» գրական, գիտական, մանկավարժական թերթը, որ իր մահուամբ կը դադրի գիրծելէ։«Պարտէզ»ի մէջ հեղինակած է «Մտային Հովեր» անուն յօդուածաշարք մը։ Աշխատակցած է նաեւ Եգիպտոսի «Փեթակ» հանդէսին՝ «Մեղրածած» ծածկանունով[1]:

Երկեր[Խմբագրել | Խմբագրել աղբիւրը]

Գրագիտութիւն (երեք հատոր), Պոլիս, 1884

Հոմանիշներու Բառարան (անտիպ)

Ծանօթագրութիւններ[Խմբագրել | Խմբագրել աղբիւրը]

  1. Թէոդիկ (1911)։ Ամենուն Տարեցոյցը։ Կ. Պոլիս։ էջ 244 

Աղբիւրներ[Խմբագրել | Խմբագրել աղբիւրը]

Պոտուրեան Հ. Մկրտիչ Վ., Հայ Հանրագիտակ, Հատոր Բ., Պուքրէշ, 1938