Մենք (պարբերագիրք)
| Մենք Menk և Մենք | |
|---|---|
 | |
| Տեսակ | գրական ամսագիր? |
| Լեզու | հայերէն |
Մենք հայ գրական պարբերագիրք, հրատարակուած Փարիզի մէջ 1931-1932 թուականներուն: Պարբերաթերթը ունեցաւ 5 թիւ միայն, վերջին երկուքը միացեալ վիճակով 1932-ին:[1]
Պատմութիւն
[Խմբագրել | Խմբագրել աղբիւրը]Հիմնադրում
[Խմբագրել | Խմբագրել աղբիւրը]Պարբերաթերթը հիմնադրուեցաւ 15 երիտասարդ գրողներու կողմէ, որոնց գլխաւոր դէմքերը եղան:
- Վազգէն Շուշանեան
- Նիկողոս Սարաֆեան
- Շահան Շահնուր
- Շաւարշ Նարդունի
- Նշան Պէշիկթաշլեան
Ծրագիր եւ նպատակներ
[Խմբագրել | Խմբագրել աղբիւրը]Առաջին թիւը, որ պարունակեց 68 էջ, բացուեցաւ հիմնադիր 15 գրողներուն ստորագրութիւնը կրող ծրագիր-յայտարարութեամբ մը: Այս յայտարարութիւնը կ՛առաջադրէր ստեղծել հաւաքական ուժ մը եւ «փնտռել հասարակաց գիծեր, ներշնչումներ, մտահոգութիւններ, ճամբայ հարթել, որոնել եւ կերպարանք տալ ընդհանուր հանգանակի մը, որ համապատասխանէ հայ մշակոյթի պահանջներուն»:
Կապ մը նախորդ սերունդի հետ
[Խմբագրել | Խմբագրել աղբիւրը]«Մենք»-ը շատ մօտէն կը յիշեցնէ կանխող սերունդի յեղափոխական հանդէսը՝ «Մեհեան»-ը:
Բովանդակութիւն եւ զարգացում
[Խմբագրել | Խմբագրել աղբիւրը]Թիւերուն յաջողութիւնը
[Խմբագրել | Խմբագրել աղբիւրը]«Մենք»-ի առաջին երկու թիւերուն մէջ ներկայ էին բոլոր հիմնադիրները, ստեղծագործական թէ վերլուծական գրութիւններով: Սակայն յաջորդող երեք թիւերէն կը բացակային ամէնէն աւելի համարում ստեղծած ուժերը, ինչպէս Վազգէն Շուշանեան եւ Նիկողոս Սարաֆեան:
Անկում
[Խմբագրել | Խմբագրել աղբիւրը]Այս պարագան բախտորոշ հարուած մը եղաւ պարբերաթերթին, այն իմաստով մանաւանդ, որ առաջիններուն համեմատութեամբ սովորական թիւեր միայն կրցան ըլլալ վերջինները, մեծ մասով զուրկ շունչէ ու արիւնէ:
Գրական արժէք
[Խմբագրել | Խմբագրել աղբիւրը]«Մենք»-ի հինգ թիւերուն մէջ լոյս տեսած են թէ՛ բանաստեղծութիւններ եւ թէ արձակ էջեր, բայց անոնք առանձին փայլ մը չունին: Այս պարբերաթերթին ամբողջ արժէքն ու հմայքը պէտք է փնտռել իր էջերուն դրսեւորուած դժգոհութեան ու կիրքին մէջ, սուտ կուռքերը տապալելու յանդգնութեան ու արդար, իրաւ, լուսաւոր գեղեցկութիւններ յայտնաբերելու իր այլազան կարօտներուն մէջ:
Ազդեցութիւն
[Խմբագրել | Խմբագրել աղբիւրը]«Մենք»-ի յեղափոխական մտայնութիւնն ու կիրքը վարակիչ դարձան ու զգալի դեր մը կատարեցին հետագայ սերունդներուն կազմաւորման մէջ:
Գործակիցներ
[Խմբագրել | Խմբագրել աղբիւրը]Բացի վերոյիշեալ հիմնադիր դէմքերէն, «Մենք»-ի մէջ գրութիւններ ունեցան նաեւ:
- Զարեհ Որբունի
- Փայլակ Միքայէլեան
- Բիւզանդ Թօփալեան
- Ոստանիկ
- Ղեւոնդ Մելոյեան
- Ռաֆայէլ Զարդարեան
- Հրաչ Զարդարեան
- Օննիկ Գեղարքունի
- Արշամ Տատրեան
- Յ. Ֆրէնկեան
Անոր աշխատակցած են նաեւ Յարութ Կոստանդեան եւ Պետրոս Զարոյեան:
Ծանօթագրութիւններ
[Խմբագրել | Խմբագրել աղբիւրը]- ↑ Jacqueline Pluet-Despatin (juin 1997). «Revue du monde arménien moderne et contemporain». Revue des revues (ֆրանսերեն) (23).