Մեղանիսի (կղզի)

Մեղանիսի, Թիլեվոյիդես (Թաֆյի) կղզիներ
Կղզեխումբ
	Մեղանիսի, Թիլեվոյիդես (Թաֆյի) կղզիներ
	Μεγανήσι, νήσοι (Τάφιοι Νήσοι)
	Մեղանիսի, Թիլեվոյիդես (Թաֆյի) կղզիներ
Երկիր	Յունաստան
Շրջան	Յոնեական ծով
Տարածութիւն	20,1 քմ²
ԲԾՄ	301 մ
Բնակչութիւն	1 041 մարդ (2011)
Կը գտնուի ափին	Յոնեական ծով
Ժամային գօտի	UTC+2 և UTC+3։00
Փոստային ցուցանիշ	310 83

Մեղանիսի կամ Մեղալոնիսի եւ կամ Մաքրոնիսի․ Յոնեական ծովու կղզի։ Կը գտնուի Լեֆքատային արեւելեան ափերուն եւ Էթոլոաքարնանիային միջեւ։ Բնակչութեան թիւը 1 041։

Տեղեկութիւններ

Մեղանիսի մաս կը կազմէ Փրիկիբոնիսիա Լեֆքատաս կղզեխոմբին, որ կը պատկանի Թիլեվոյիդես կղզեխումբին։ Տարածութիւնն է 20,10ք², իսկ ծովու մակերեսէն բարձրագոյն կէտը 301 մեթր է։

Մեղանիսի Լեֆքատա նահանգին քաղաքապետութիւններէն մէկն է։ կղզին ունի երեք գիւղեր՝ Քաթոմերի (որ նաեւ կղզիին վարչական կեդրոնն է), Վաթի եւ Սբարթոհորի։

Բնակչութիւնը հողագործութեամբ, անասնապահութեամբ, ձկնորսութեամբ եւ վերջին տարիներուն զբօսաշրջիկութեամբ կը զբաղի։

Կղզին հասանելի է միայն Լեֆքատային միջոցով․ Նիդրիէն նաւակներով երթեւեկութիւնը յաճախակի է։

Ըստ Սրապոնի հնադարին Մեղանիսի Թաֆոս կամ Թաֆիաս կը կոչուէր եւ կը պատկանէր այդպէս կոչուած Թաֆյես Նիսուս կղզեխումբին մնացեալ կղզիներուն հետ, ինչպէս օրինակ՝ Քալամոս, Քասթոս, Աթոքոս, Արքուդի (որոնք կը գտնուին Աքարնանիային եւ Լեֆքատային միջեւ)։

Պղինձէ դարուն Թիլեվոաս ծովահէն ժողովուրդին, որոնք նաեւ Թաֆյի կը կոչուէին եւ շրջանի ծովերուն կը տիրէին, կեդրոնը եղած է։ Անոնց անկումէն ետք, Մեղանիսի հետեւած է Լեֆքատայի պատմութեան ընթացքին։