Մարոնի Եկեղեցի
Մարոնի կաթոլիկ եկեղեցի (արաբերէն՝ الكنيسة الأنطاكية السريانية المارونية al-kanīsa al-antākīyya al-seryānīyya al-mārwnīyya, լատ.՝ Ecclesia Maronitarum), հին քրիստոնէական եկեղեցի, պատրիարքութեան կարգավիճակ ունեցող Արեւելեան կաթոլիկ եկեղեցիներէն մէկը։ Եկեղեցւոյ համայնքներու մեծամասնութիւնը կը գտնուի Լիբանանի, ինչպէս նաեւ՝ Սուրիոյ եւ Կիպրոսի մէջ[1]։
Լիբանանէն մարոնիներու անդադար արտագաղթը ԱՄՆ, Քանատա եւ Աւստրալիա, մարոնիական մեծ համայնքներու ստեղծման պատճառ դարձած է[2]։
Կազմութիւն
[Խմբագրել | Խմբագրել աղբիւրը]Մարոնի Կաթոլիկ Եկեղեցին արեւելեան ծէսով եկեղեցի մըն է, որ կը պատկանի համաշխարհային Կաթոլիկ Եկեղեցւոյ։
Անունը կը վերագրուի Ս. Մարունին՝ Դ. եւ Ե. դարերու սուրբ ճգնաւորի մը, որ ազդեցիկ դպրոց մը ստեղծած էր Անտիոքէն հիւսիս՝ Սուրիոյ լեռներուն մէջ։
Ս. Մարոնին հետեւողները՝ մարոնիները, կը կազմեն կրօնական համայնք մը՝ սուրիացի-քաղկեդոնական աւանդութեամբ։ Է. դարէն սկսեալ, անոնք կը հաստատուին Լիբանանի լեռներուն մէջ եւ հոն կը պահպանեն իրենց կրօնական ինքնութիւնը՝ դարերու ընթացքին։
- Եկեղեցին ունի Սիրիաք ծիսակարգ։
- Պահպանած է միութիւնը Հռոմի Պապին հետ։
- Եկեղեցին կը գլխաւորէ Անտիոքի Մարոնի Պատրիարքապետը, որ կ'ընտրուի եպիսկոպոսաց ժողովով, ապա կը հաստատուի Հռոմի Պապին կողմէ։
- Իր պատրիարքութեան կեդրոնը կը գտնուի Լիբանանի Պքերքէ շրջանին մէջ։
- Ներկայիս Պատրիարքապետն է՝ Նորին Սրբութիւն Մար Պշարա Պութրոս Ռայի։