Մարիամ Նուր
| Մարիամ Նուր | |
|---|---|
| Ծնած է | 24 Մայիս 1933 (93 տարեկան) |
| Ծննդավայր | Douma, Բոթրոնի շրջան, Հիւսիսային Լիբանան, Լիբանան |
| Քաղաքացիութիւն |
 Լիբանան |
| Կրօնք | միաստվածություն?[1] |
| Մասնագիտութիւն | գրագէտ |
| Կայքէջ |
www |
Մարիամ Նուր (արաբ․՝ مريم نور, 24 Մայիս 1933, Douma, Պաթրունի շրջան, Շապթին (Լիբանան), Լիբանան) լիբանանցի հեռուստատեսային դէմք եւ հեղինակ, որ կը քննարկէ սնունդի եւ կենսակերպի հարցեր լիբանանեան եւ արաբական լրատուամիջոցներուն մէջ[2][3], եւ մակրոպիոթիք սննդակարգի եւ այլընտրանքային բժշկութեան մասնագէտ[4]։
Կենսագրութիւն
[Խմբագրել | Խմբագրել աղբիւրը]Նուրը ծնած է Լիբանանի Տումա քաղաքին մէջ, որպէս «Մարի Մանուէլ Եղիայեան»՝ հայ հօր եւ լիբանանցի մօր ընտանիքի մէջ։ Ան նշած է, որ Մուսա ալ-Սատրը զինք անուանած է Մարիամ Նուր[5]։
Ան ճամբորդած է Միացեալ Նահանգներ, ուր զինք դասաւանդած են Օշօն եւ Միչիոյ Քուշին։ Ան յաղթահարած է ժառանգական կրծքագեղձի քաղցկեղը, բնական ճանապարհով բուժուելով[6]։
1990-ականներու վերջը Լիբանան վերադառնալով, Նուրը նոր դարաշրջանի գաղափարներ բերաւ արաբական աշխարհ։ Ան բազմաթիւ հաղորդումներ վարած է լիբանանեան «Ալ-Ճատիտ» (Նոր հեռուստատեսութիւն) հեռուստաալիքով եւ տարբեր ժամանակներու յայտնուած է «Ալ-Ճազիրա» արաբերէն եւ այլ արաբական հեռուստաալիքներով՝ գովազդելով իր հայեացքներն ու կենսակերպը[7]։ Նուրը Լիբանանի եւ Միացեալ Նահանգներու կրկնակի քաղաքացիութիւն ունի։
Գործունէութիւն
[Խմբագրել | Խմբագրել աղբիւրը]Մարիամ Նուրը կ՚ըսէ. «Ես հարցուցի բժիշկիս, թէ ի՞նչը առաջացուցած է իմ քաղցկեղը»։ Ան պատասխանեց. «Ես չեմ գիտեր հիւանդութեան աղբիւրը, բայց դուք պէտք է վիրահատուիք՝ ապաքինուելու համար»։ Ես ըսի. «Եթէ դուք չէք գիտեր այս հիւանդութեան աղբիւրն ու պատճառը, ինչպէ՞ս կրնաք վստահ ըլլալ, որ այս վիրահատութիւնը անոր բուժումն ու դեղամիջոցն են»։
Այդ ժամանակէն ի վեր Մարիամը սկսաւ փնտռել այլընտրանքային բուժումներ եւ յայտնաբերեց մաքրոպիոթիքան եւ սկսաւ կիրառել իր վրայ։ Այդ ժամանակէն ի վեր Մարիամ Նուրը մնացած է առողջ եւ աւելի լաւ առողջական վիճակով, քան երբեւէ։
Երբ Մարիամ Նուրը կը ներկայանայ, կ՚ըսէ. «Ես ծնած եմ Լիբանանի մէջ, յաճախած եմ դպրոցներ եւ համալսարաններ, քանի մը անգամ աշխատած եմ լրատուամիջոցներու մէջ։ Ես ճամբորդած եմ Եւրոպա, ապա Ամերիկա եւ Հնդկաստան։ Ես մաքրոպիոթիքա ուսումնասիրած եմ Միչիոյ Քուշիի մօտ։ Այդ ժամանակէն ի վեր ես ուսանող եմ «Տիեզերքի դպրոցին մէջ», որ միակ վայրն է, որ քեզ հնարաւորութիւն կու տայ ապրելու քու սեփական ընտրութեամբ։ Իմ ընտրութիւնը մաքրոպիոթիքան էր որպէս կենսակերպ, այլ ոչ թէ միայն սնունդը։
Ես սկսայ քանի մը մաքրոպիոթիք կեդրոններ հիմնել Ամերիկայի մէջ, մինչեւ որ «Երկնային կեդրոնը» դարձաւ Երկիր մոլորակի լաւագոյն կեդրոններէն մէկը»։
Անոր հեղինակութիւնները[8]
[Խմբագրել | Խմբագրել աղբիւրը]Ան ունի բազմաթիւ հեղինակութիւններ՝ արաբերէն եւ անգլերէն լեզուներով։ Անոր արաբերէն գործերէն են․
- Կնոջ գիրքը (كتاب المرأة)
- Տղամարդը (الرجل)
- Գթութեան գիրքը (كتاب الرحمة)
- Քրիստոս (المسيح)
- Տգիտութիւն (الجهل)
- Գաւաթ մը զօրութիւն՝ մարդկային ցաւով, Մարիամ Նուրի սրճեփէն (فنجان قوة بألم الإنسان من ركوة مريم نور)
- Ամուսնութիւն (النكاح)
- Յեղափոխութիւն (الثورة)
- Գաղտնիքներու գաղտնիքը (سر الأسرار)
- Ծածուկ երեւոյթները (կամ Գաղտնիքները) (الخفايا)
Ծանօթագրութիւններ
[Խմբագրել | Խմբագրել աղբիւրը]- ↑ https://ammannet.net/أخبار/مريم-نور-تدعو-إلى-التخلص-من-جميع-الأطعمة-المتداولة
- ↑ Light Luise (1996). Food for a Saint. Vegetarian Times September 1996
- ↑ Povoledo, Elisabetta (October 22, 2004). A Կաղապար:Siccharged food fest. New York Times
- ↑ «مريم نور...مفقودة بعد انفجار بيروت - حياتنا - جهات - الإمارات اليوم»։ www.emaratalyoum.com (արաբերեն)։ 2020 թ․ օգոստոսի 6։ արտագրուած է՝ 2021 թ․ մարտի 16
- ↑ «مريم نور تملأ إستديو 'هيدا حكي' على 'ام تي في' بحكي جنسي وتغادر إعتراضاً على الأسئلة»։ alquds.co.uk (Arabic)։ 2014 թ․ հունվարի 6
- ↑ «5 famous Arab breast cancer survivors»։ thelifepile.com։ 2017 թ․ հոկտեմբերի 23։ արխիւացուած է բնօրինակէն-էն՝ 2020-05-20-ին։ արտագրուած է՝ 2025-07-10
- ↑ Sussman, Anna (August 16, 2007). A Lebanese chef's vision: Make falafel, not war. New York Times
- ↑ (արաբերեն) مريم نور, 2026-04-06, https://ar.wikipedia.org/w/index.php?title=%D9%85%D8%B1%D9%8A%D9%85_%D9%86%D9%88%D8%B1&oldid=74178057, վերցված է 2026-05-18