Մարգարիտ Սուասոնացի
| Մարգարիտ Սուասոնացի | |
|---|---|
| Ծնած է | 1340-ականներ |
| Մահացած է | 4 Յուլիս 1381 |
| Մահուան վայր | Գահիրէ |
| Ամուսին | Լեւոն Զ․ |
| Երեխաներ | Մարի Լուսինեան |
Մարգարիտ Սուասոնացի (ֆրանսերէն՝ Marguerite de Soissons, 1340-ականներ - 4 Յուլիս 1381, Գահիրէ), ֆրանսացի իշխանուհի, Հայաստանի թագուհին դարձած է հայոց թագաւոր Լեւոն Զ․-ի հետ ամուսնանալով։ Ան Յովհաննէս Սուասոնացիի եւ Մարի Տէ Միլմարսիի դուստրն է։
Կենսագրական գիծեր
[Խմբագրել | Խմբագրել աղբիւրը]Լեւոն Զ․ թագաւոր Մարգարիտի երկրորդ ամունինն է։ Առաջին ամուսին հետ ունեցած ամուսնութիւնը շատ կարճ տեւած է, անոնք երեխաներ չեն ունեցած։
Լեւոն Զ․ եւ Մարգարիտ 1369 թուականի Մայիսին ամուսնացած են, Կիպրոս։
1374 թուականին Լեւոնը թագադրուած է, իբրեւ հայոց թագաւոր։ Իսկ անոնք 14 Սեպտեմբերին, մայրաքաղաք Սիսի մէջ, թագադրուած են՝ Կիլիկիոյ հայկական թագաւորութեան թագաւոր ու թագուհի։
Անոնք ունեցած են մէկ դուստր՝ Մարին։ Լեւոն եւ իր ընտանիքը գերի ուղարկուած են Եգիպտոս, երբ Մեմլուքներու զօրքերը գրաւած են Սիսը՝ 1375-ին։
1382-ին, Քասթիլիայի թագաւոր Ճոնը Մեմլուքներուն վճարած է թանկարժէք քարեր, մետաքս եւ գիշատիչ թռչուններ՝ իբրեւ փրկագին Լեւոն թագաւորին։ Լեւոն վերադարձած է Սպանիա, ուր Ճոն թագաւորը իրեն «Մատրիտի Տէր» տիտղոսը պարգեւատրած է։
Դժբախտաբար արդէն շատ ուշ էր Մարգարիտի եւ Մարիի համար․ անոնք 1381-ին, իրենց յաջորդաբար 41 եւ 11 տարիքին, անյայտ պատճառով մահացած են ու թաղուած՝ Գահիրէի մէջ[1]։
Ծանօթագրութիւններ
[Խմբագրել | Խմբագրել աղբիւրը]- ↑ «Եգիպտոս Թաղուած Կիլիկիոյ Հայոց Վերջին Թագուհին՝ Ֆրանսացի Մարգարիտ Սո»։ Asbarez - Armenian (en-US)։ արտագրուած է՝ 2025-08-15