Մարգարէ Արճիշեցի

Մարգարէ Արճիշեցի;
Մասնագիտութիւն	գրիչ

Մարգարէ Արճիշեցի, 16-րդ դարու 1-ին կէսի գրիչ։

Կենսագրական գիծեր

Ապրած է Արճէշ, Մեծոփի, Վանի, Վարագի, Աղթամարի եւ Խառաբաստա վանքերուն մէջ։ Աշակերտած է Գրիգորիս Աղթամարցիին։

1522 թոիականէն ստեղծած է շարք մը ձեռագիրներ եւ պատմամշակութային արժէքաւոր յիշատակարաններ։

1534 թուականին Գրիգորիս Աղթամարցիի պատուէրով ընդօրինակած է Սաղմոսարան, ընդօրինակած ու կազմած է Ճառընտիր (Վան), Ալեքսանտր Մակեդոնացիի պատմութեան երկու արժէքաւոր մատեաններ՝ Գրիգորիս Աղթամարցիի խմբագրութեամբ, կազմելով եւ նկարազարդումներով. առաջինը՝ 1526 թուականին Խառաբաստա վանքին մէջ (Վենետիկի Մխիթարեան մատենադարան, Յարութիւն Քիւրտեանի ֆոնտ, № 280), երկրորդը՝ 1536 թուականին Վարագայի մէջ (Երուսաղէմի մատենադարան, № 473)։

Մարգարէ Արճիշեցիի՝ Գրիգորիս Աղթամարցիին ուղղած նամակ-յիշատակագրութիւններուն մէջ (պահպանուած են ձեռագիրներուն մէջ) կան հաւաստի փաստեր վերջինիս գործունէութեան մասին։

Գրականութիւն

Ակինեան Ն., Գրիգորիս Ա․ կաթողիկոս Աղթամարի, Վնն., 1958։
Սիմոնյան Հ., Հայ միջնադարյան կաֆաներ, Ե., 1975։

Այս յօդուածի կամ անոր բաժնի որոշակի հատուած վերցուած է «Հայ գրատպություն և գրքարվեստ» հանրագիտարանէն, որու նիւթերը թողարկուած են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թոյլատրագրի ներքոյ։