Մարաթուկ Վանք
Մարաթուկ Վանք, Մարութայ լերան գագաթին գտնուող վանք, ծովի մակերեսէն 2.967 մեթր բարձրութեան վրայ:
Պատմութիւն[Խմբագրել | Խմբագրել աղբիւրը]
Մարաթուկ վանքը կոչուած է նաեւ Սուրբ Աստուածածին վանք կամ Մարութավանք, որ սիրուած ուխտավայր մըն էր սասունցիներուն կողմէ: Վանքը ունէր ոչ մեծ ու միանաւ եկեղեցի մը, որ շրջապատուած էր ուղղանկիւն յատակագիծով եւ անմշակ քարերով կազմուած պարիսպով:
«Սասնայ Ծռեր» դիւցազնավէպին համաձայն Մարութավանքը կառուցած են Սանասարն ու Պաղտասարը, վերակառուցած է զայն Դաւիթը, հոն հաստատելով վանական միաբանութիւն եւ վանքը պաշտպանած՝ օտար ոտնձգութիւններէն: Մարութավանքը դարձած է Սասնայ դիւցազուններուն սրբատեղին, որուն զօրութեան ապաւինած են իրենց ողջ կեանքի ընթացքին:
19-րդ դարուն եւ 20-րդ դարու սկիզբը վանքը ամայի եւ աւերակ վիճակի մէջ էր: Կանգուն էր միայն անոր մատուռներէն մէկը:[1]
Աղբիւրներ[Խմբագրել | Խմբագրել աղբիւրը]
- Տարօն-Տուրուբերանի Վանքերը, Դկտր.Հ.Համազասպ Ոսկեան, Վիեննա, Մխիթարեան տպարան, 1953, էջ 258:
- Քրիստոնեայ Հայաստան» հանրագիտարան, Երեւան, 2002, էջ 711:
Ծանօթագրութիւններ[Խմբագրել | Խմբագրել աղբիւրը]
- ↑ «Մասիս», 1903, № 28, էջ 441; Ոսկեան, Տարօն-Տուրուբերանի Վանքերը, էջ 258։
Արտաքին յղումներ[Խմբագրել | Խմբագրել աղբիւրը]
https://www.aniarc.am/2017/10/09/sassun-churches-and-monasteries-houshamadian/