Հռիփսիմէ Մաթեւոսեան
 | |
|---|---|
| Ծննդավայր | Երեւան |
| Կրթութիւն | Երեւանի Պետական Բժշկական Համալսարան |
| Մասնագիտութիւն | բժիշկ |
| Աշխատավայր | Երեւանի Պետական Բժշկական Համալսարան |
Հռիփսիմէ Շաւարշի Մաթեւոսեան ( , Երեւան), կենսաբանական գիտութիւններու դոկտոր, պրոֆեսոր, բժշկական գիտութիւններու թեկնածու։ Երեւանի պետական բժշկական համալսարանի բժշկական կենսաբանութեան ամպիոնի վարիչն է։
Կենսագրութիւն
[Խմբագրել | Խմբագրել աղբիւրը]Հռիփսիմէ Մաթեւոսեանը ծնած է 13 Հոկտեմբեր 1950-ին, Երեւան քաղաքին մէջ։ 1957-1963 թուականներուն սորված է Երեւանի Կամոյի անուան թիւ 76 միջնակարգ դպրոցին մէջ։ 1967 թուականին ընդունուած է Երեւանի պետական բժշկական համալսարանի բուժական բաժանմունքը, զոր աւարտած է 1973 թուականին՝ գերազանց յառաջադիմութեամբ։ 1973-1976 թուականներուն եղած է Երեւանի պետական բժշկական համալսարանի բժշկական կենսաբանութեան ամպիոնի ասպիրանտ։
1977-1979 թուականներուն բժշկական կենսաբանութեան ամպիոնի գիտահետազօտական լաբորատորիային մէջ աշխատած է որպէս կրտսեր գիտաշխատող։
1979-1983 թուականներուն դեղագիտութեան ամպիոնի գիտահետազօտական լաբորատորիային մէջ եղած է կրտսեր գիտաշխատող։
1983-1989 թուականներուն բժշկական կենսաբանութեան ամպիոնի գիտահետազօտական լաբորատորիային մէջ եղած է աւագ գիտաշխատող։
1989-1997 թուականներուն բժշկական կենսաբանութեան ամպիոնի ասիստենտ եղած է։
1997-2003 թուականներուն բժշկական կենսաբանութեան ամպիոնի դոցենտ եղած է։
2003-2008 թուականներուն բժշկական կենսաբանութեան ամպիոնի պրոֆեսոր եղած է։
2008-2009 թուականներուն բժշկական կենսաբանութեան ամպիոնի վարիչի պաշտօնակատար նշանակուած է։
2009-2012 թուականներուն բժշկական կենսաբանութեան ամպիոնի պրոֆեսոր եղած է։
2012 թուականէն մինչեւ այսօր բժշկական կենսաբանութեան ամպիոնի վարիչն է[1]։
1979 թուականին ԵՊԲՀ-ի մէջ պաշտպանած է թեկնածուական ատենախօսութիւն եւ ստացած բժշկական գիտութիւններու թեկնածուի գիտական աստիճան։
2000 թուականին պաշտպանած է դոկտորական ատենախօսութիւն՝ «Սրտի հեմոմիկրոցիրկուլեացիայի եւ անոր մկանային կառուցուածքներու համակարգային խանգարումները միոքարտի փորձարարական նեկրոզի պայմաններուն մէջ եւ անոնց դեղաբանական շտկման ուղիները» նիւթով, եւ ստացած է կենսաբանական գիտութիւններու դոկտորի գիտական աստիճան։
2002 թուականին արժանացած է պրոֆեսորի կոչման։
140 գիտական յօդուածներու, 2 գիւտերու, 2 դասագիրքերու եւ 6 ուսումնամեթոդական ձեռնարկներու հեղինակ է։ ԵՊԲՀ-ի բժշկակենսաբանական մեթոտական յանձնաժողովի, բաժանմունքային խորհուրդի եւ Կենսաբանութեան միջազգային ողիմպիական խաղերու (IBO) ժիւրիի անդամ է։ Մասնագիտական վերապատրաստում անցած է Ռուսաստանի Լենինկրատ քաղաքին մէջ, ինչպէս նաեւ ԵՊԲՀ-ի մէջ՝ բազմաթիւ ծրագիրներու ծիրին մէջ։
Պարգեւատրումներ
[Խմբագրել | Խմբագրել աղբիւրը]- 2000 թուականին՝ ԵՊԲՀ-ի 70-ամեակին առիթով՝ պատուոգիր։
- 2005 թուականին՝ ԵՊԲՀ-ի 70-ամեակին առիթով՝ ոսկէ մետալ։
- 2011 թուականին՝ ԵՊԲՀ-ի 90-ամեակին առիթով՝ արծաթէ մետալ։
- 2011 թուականին՝ ԵՊԲՀ-ի 90-ամեակին առիթով՝ Հայաստանի Հանրապետութեան կրթութեան եւ գիտութեան նախարարութեան շնորհակալագիր։
Անձնական կեանք
[Խմբագրել | Խմբագրել աղբիւրը]Ամուսնացած է, ունի երկու զաւակ։
Ծանօթագրութիւններ
[Խմբագրել | Խմբագրել աղբիւրը]- ↑ www.ysmu.am https://www.ysmu.am/hy/main/update_your_browser/։ արտագրուած է՝ 2020 թ․ դեկտեմբերի 2