Հոճքընս հիւանդութիւն

Հոճքընս-ի հիւանդութիւնը (Hodjkens disease), չարաղէտ հիւանդութիւն մը, որ կը յատկանշուի աւշագեղձերու անբնական յայտնաբերումով՝ մարմինի զանազան մասերուն մէջ, ի մասնաւորի՝ վիզի, կրծքավանդակի, թոքերու, լեարդի, ոսկորներու, ողնածուծի եւ ուղեղի մէջ, ինչպէս նաեւ՝ արեան սպիտակ բջիջներու բազմացումով ու սակաւարիւնութեամբ։

Ընթացք

Հոճքընս-ի հիւանդութեան սկզբնաւորութեան հիւանդը ոչ մէկ գանգատ կ'ունենայ. հիւանդութիւնը ընդհանրապէս կը յառաջանայ ծածուկ եւ դանդաղ, բայց երբեմն՝ շատ արագ եւ քանդիչ ձեւով։

Ախտանշանները կ'ըլլան՝

չափազաց քերուըտուք,
ջերմութիւն,
գիշերային քրտինք,
հիւծում,
յոգնածութիւն,
ոսկրային ցաւ եւ կոտրուածք,
խռպոտութիւն,
մասնակի կամ ամբողջական միակողմանի եւ կամ երկկողմանի անդամալուծութիւն,
դեղնութիւն,
շնչարգելութիւն,
թոքային հիւանդութիւններ,
դիմադրողականութեան նուազում եւ մահացու բորբոքումներ^[1]։

Դարմանում

Հոճքընս-ի հիւանդութիւնը անցեալին կը դարմանուէր մասնակիօրէն հակախըլիրդային դեղերով եւ շողարձակումով։ Այսօր ոսկրածուծի փոխ-պատուաստումը լաւագոյն ձեւն է՝ դարմանելու այս հիւանդութիւնը, այլ միջոցառումներու կողքին^[2]։

Ծանօթագրութիւններ

[1] Հոճքընս-ի հիւանդութիւնը

[2] Դարմանում

[1]

[2]