Հիլտա Չոպոյեան
Հիլտա Չոպոյեան | |
|---|---|
| Ծնած է | 28 Օգոստոս 1950 |
| Ծննդավայր | Հալէպ, Սուրիա |
| Մասնագիտութիւն | քաղաքական գործիչ |
Հիլտա Չոպոյեան (ֆրանսերէն՝ Hilda Tchoboian, (28 Օգոստոս 1950, Հալէպ-Սուրիա), մարդկային իրաւանց ֆրանսահայ պաշտպան եւ քաղաքական գործիչ։
Կենսագրութիւն
[Խմբագրել | Խմբագրել աղբիւրը]Հիլտա Չոպոյեան ծնած է 28 Օգոստոս 1950-ին, Հալէպ-(Սուրիա)։ Ունի Կրենոպլ II համալսարանի տնտեսագիտութեան եւ քաղաքագիտութեան մագիստրոսի աստիճան: Վերապատրաստուած է Սթրասպուրկի Մարդկային իրաւանց միջազգային հիմնարկին մէջ։ Ան կը պաշտպանէ ցեղասպանութեան ժխտման քրէականացումը Եւրոպայի մէջ: Հիլտա Չոպոյեան կ'աշխատի ՄԱԿ-ի Մարդկային իրաւանց գերագոյն յանձնակատարի գրասենեակին մէջ՝ որպէս կառավարութիւններու հետ արհեստագիտական (թեքնիքական) համագործակցութեան գծով խորհրդատու[1]: 2002 թուականէն ի վեր ան կը ղեկավարէ «Արդարութեան եւ ժողովրդավարութեան եւրոպա-հայկական դաշնակցութիւնը» (ֆետերասիոն), որ կը պաշտպանէ Թուրքիոյ, Հիւսիսային եւ Հարաւային Կովկասի մէջ ցեղային ու կրօնական փոքրամասնութիւններու մշակութային եւ քաղաքացիական իրաւունքները[2]: Ան նաեւ տագնապներու կարգաւորման եւ մարդկային իրաւանց «Կովկաս» կեդրոնի նախագահն է, որ տագնապներու կանխարգիլման եւ տագնապային իրավիճակներու մէջ մարդկային իրաւանց պաշտպանութեան հասարակական կազմակերպութիւն մըն է[3]։
Հիլտա Չոպոյեան 2010 թուականին Ֆրանսայի Ռոն-Ալպեր շրջանի տեղական ընտրութիւններուն Ընկերվարական (Սոցիալիստական) կուսակցութեան թեկնածուն էր[4]: Ան շրջանային խորհրդատու դարձած է 14 Դեկտեմբեր 2011-ին՝ Թիէրի Ֆիլիփի հրաժարականէն ետք[5]։
Պարգեւներ
[Խմբագրել | Խմբագրել աղբիւրը]2013 թուականին Հիլտա Չոպոյեան արժանացած է «Արժանիքի համար» ( իր Վաստակին համար) ազգային շքանշանի ասպետի կոչման[6]:
Ծանօթագրութիւններ
[Խմբագրել | Խմբագրել աղբիւրը]- ↑ «« Deux femmes pour Queyranne»։ Mag2Lyon»։ 26 janvier 2010։ արխիւացուած է բնօրինակէն-էն՝ 217-6-2010-ին։ արտագրուած է՝ 28-1-2010 .
- ↑ Կաղապար:En icon «« European Council gives ultimate warning to Ankara »»։ Financial Mirror։ 18 décembre 2008։ արխիւացուած է բնօրինակէն-էն՝ 5-6-2011-ին։ արտագրուած է՝ 28-1-2010 .
- ↑ Alexis Bautzmann (septembre-octobre 2004)։ «L'édito»։ Diplomatie։ արխիւացուած է բնօրինակէն-էն՝ 2010-03-22-ին։ արտագրուած է՝ 28 janvier 2010 .
- ↑ Gérald Bouchon (17 janvier 2010)։ «Régionales: un nouveau renfort pour Jean-Jack Queyranne»։ Lyon 1ère։ արտագրուած է՝ 28 janvier 2010.
- ↑ «Hilda Tchoboian : une nouvelle conseillère régionale au groupe socialiste»։ psrhonealpes.fr։ 5 décembre 2011։ արխիւացուած է բնօրինակէն-էն՝ 29-6-2013-ին։ արտագրուած է՝ 14 octobre 2013 .
- ↑ «Hilda Tchoboyan, chevalier de l’ordre national du Mérite»։ Nouvelles d'Arménie Magazine։ 14 octobre 2013։ արտագրուած է՝ 14 octobre 2013.
Արտաքին յղումներ
[Խմբագրել | Խմբագրել աղբիւրը]- «Fédération euro-arménienne pour la justice et la démocratie»։ արտագրուած է՝ 28 janvier 2010.