Հայոց Համազգային Շարժում
Հայոց Համազգային Շարժումը (անգլերէն՝ Armenian All-national Movement կամ Pan-Armenian National Movement), յապաւում՝ ՀՀՇ Հայաստանի մէջ գործող քաղաքական կուսակցութիւն, այժմ լուծարուած։
Պատմութիւն
[Խմբագրել | Խմբագրել աղբիւրը]Այս կուսակցութիւնը ծնաւ Լեռնային Ղարաբաղի Ինքնավար Խորհուրդին 20 փետրուար 1988-ի բանաձեւէն, որ պահանջեց Սովետական Հայաստանի հետ միաւորումը։[1] Անոր առաջին ցոյցերը, որոնք պահանջեցին Լեռնային Ղարաբաղի Հայաստանի հետ վերամիաւորումը, տեղի ունեցան Երեւանի մէջ 21 փետրուար 1988-ին։ Իգոր Մուրատեանի ղեկավարութեամբ անոր վարչական յանձնախումբը կազմակերպուեցաւ նոյն ամսուան մէջ, իսկ Լեւոն Տէր-Պետրոսեանը միացաւ վարչական մարմնին մայիս 1988-ին։ 15 յունիս 1988-ին, Գերագոյն Խորհուրդի մէջ շարժման ներկայացուցչութեամբ, այս մարմինը ընդունեց երկու ազգային միաւորներու վերամիաւորման բանաձեւը։ ՀՀՇ-ն մասնակցեցաւ 1990 թուականի Հայաստանի Գերագոյն Խորհուրդի ընտրութիւններուն՝ ձեռք բերելով 59 տեղ խորհրդարանին մէջ։[2]
Կուսակցութիւնը առաջադրեց Տէր-Պետրոսեանը իբրեւ իր թեկնածու 1991 թուականի Հայաստանի նախագահական ընտրութիւններուն։ Տէր-Պետրոսեանը յաղթեց ընտրութիւններուն՝ ապահովելով ձայներու 83%-ը։ Կուսակցութիւնը նորէն առաջադրեց Տէր-Պետրոսեանը իբրեւ իր թեկնածու 1996 թուականի Հայաստանի նախագահական ընտրութիւններուն, ան յաղթեց ձայներու 51.3%-ով։ Կուսակցութիւնը վերջապէս կորսնցուց իր դիրքին ու նշանակութիւնը երբ Տէր-Պետրոսեանը հրաժարական տուաւ նախագահական պաշտօնէն 1998-ին։ Կուսակցութիւնը կորսնցուց իր բոլոր ներկայացուցչութիւնը Ազգային Ժողովին մէջ 1999 թուականի Հայաստանի խորհրդարանական ընտրութիւններէն ետք՝ կորսնցնելով 62 տեղ։
2010 թուականէն ետք՝ կուսակցութիւնը անդամ էր Եւրոպական Ազատական եւ Դեմոկրատական Կուսակցութիւններու Դաշինքին (ALDE Party)։
Կուսակցութիւնը մասնակցեցաւ 2012 թուականի Հայաստանի խորհրդարանական ընտրութիւններուն եւ ձեռք բերաւ միայն մէկ տեղ Ազգային Ժողովին մէջ։
Գործութնէութիւն
[Խմբագրել | Խմբագրել աղբիւրը]Յուլիս 2012-ին, կուսակցութիւնը մասնակցեցաւ Կովկասի շրջանէն ազատական կուսակցութիւններու համագումարին։ Համագումարը պարունակեց Վրաստանի Հանրապետական Կուսակցութիւնը եւ Մուսաւաթ կուսակցութիւնը։ Քննարկուեցան համատեղ տարածաշրջանային համագործակցութեան հարցեր, ինչպէս նաեւ եւրոպական կառոյցներու մէջ ինտեգրացիոյ հարցեր։[3][4]
Ծանօթագրութիւններ
[Խմբագրել | Խմբագրել աղբիւրը]- ↑ «Հայոց Համազգային Շարժում (ՀՀՇ) կուսակցություն | historyofarmenia.am.am»։ արխիւացուած է բնօրինակէն-էն՝ 2024-10-07-ին։ արտագրուած է՝ 2025-09-20
- ↑ «National Assembly of the Republic of Armenia | Official Web Site | parliament.am»։ www.parliament.am
- ↑ «ՀՀՇ-ի, Ադրբեջական Մուսաֆաթի, Վրաստանի Հանրապետական կուսակցության ղեկավարների հանդիպում | Առավոտ - Լուրեր Հայաստանից»
- ↑ «ՀՀՇ-ականները մասնակցել են համաժողովի»։ A1Plus