Հայկ Դեմոյեան
| Հայկ Դեմոյեան | |
|---|---|
 | |
| Ծնած է | 22 Մայիս 1975[1] (50 տարեկան) |
| Ծննդավայր | Լենինական, Հայաստանի Խորհրդային Ընկերվարական Հանրապետութիւն, Խորհրդային Միութիւն |
| Քաղաքացիութիւն |
 Հայաստան |
| Ուսումնավայր | Երեւանի Պետական Համալսարան |
| Մասնագիտութիւն | պատմաբան, հրապարակախօս և գիտակ |
| Աշխատավայր | Երեւանի Պետական Համալսարան |
Հայկ Դեմոյեան (22 Մայիս 1975[1], Լենինական, Հայաստանի Խորհրդային Ընկերվարական Հանրապետութիւն, Խորհրդային Միութիւն), հայ պատմաբան, հրապարակախօս, Հայոց Ցեղասպանութեան թանգարան-հիմնարկի նախկին տնօրէն, պատմական գիտութիւններու դոկտոր։
Գործունէութիւն
[Խմբագրել | Խմբագրել աղբիւրը]Գիտական հետազօտութիւններու ոլորտին մէջ կը մտնեն Արցախեան հակամարտութեան, հայ-թրքական յարաբերութիւններու, Հայոց Ցեղասպանութեան եւ համաթրքականութեան խնդիրները, ազգային հակամարտութիւնները Հարաւային Կովկասի մէջ, ազգային ինքնութեան եւ կարծրատիպերու հիմնահարցեու ուսումնասիրութիւնը։
Գիտական հետաքրքրութիւններու ոլորտը կը ներառէ նաեւ հայ ռազմարուեստին, հայկական ազգային խորհրդանշաններուն եւ զինանշանագիտութեան հետ առընչուող հարցերը։
Դոմոյեան աւելի քան 40 գիտական հրապարակումներու, ինչպէս նաեւ տասնհինգ մենագրութիւններու հեղինակ է։
Անդամակցած է Ցեղասպանագէտներու միջազգային ընկերակցութեան։ Հայոց ցեղասպանութեան թանգարան-հիմնարկի գիտական խորհուրդի նախագահն է[2]։ Երեւանի պատմութեան թանգարանի եւ Ազգային գրադարանի գիտական խորհուրդներու անդամ է։
2009 թուականի Մարտին Հայաստանի նախագահի հրամանագիրով նշանակուած է Հայաստանի հանրային խորհուրդի անդամ։
2011 թուականին Հայաստանի Հանրապետութեան նախագահի հրամանագիրով նշանակուած է Հայոց Ցեղասպանութեան հարիւրերորդ տարելիցին նուիրուած միջոցառումները համակարգող պետական յանձնաժողովի քարտուղար[2]։
2013 թուականին ընտրուախ է Երեւանի աւագանիի անդամ` Հայաստանի Հանրապետական կուսակցութեան համամասնական ընտրացուցակով։
Կը տիրապետէ ռուսերէն, անգլերէն, ֆրանսերէն լեզուներուն։
Աշխատութիւններ
[Խմբագրել | Խմբագրել աղբիւրը]Հայկ Դեմոյեան հրատարակած է գիրք մը, ուր ամփոփուած են հայկական ազգային խորհրդանշանները: «Հայկական ազգային խորհրդանշաններ» խորագիրով գիրքը նուիրուած է հայ տպագրութեան 500ամեակին եւ տպագրուած է «Փիւնիկ» համահայկական հիմնադրամի աջակցութեամբ[3]:
Ծանօթագրութիւններ
[Խմբագրել | Խմբագրել աղբիւրը]- ↑ 1,0 1,1 https://www.yerevan.am/edfiles/files/avagani%20new/Hayk%20Demoyan.pdf
- ↑ 2,0 2,1 «100-Ամեակի Ձեռնարկներուն Շուրջ Հարցազրոյց. «100-Ամեակի Պետական Եւ Լիբան»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2015-07-22։ արտագրուած է՝ 2025-08-13
- ↑ «Հայկ Դեմոյեան Հատորի Մը Մէջ Ամփոփած Է Հայկական Ազգային Խորհրդանշանները»։ Asbarez - Armenian (en-US)։ արտագրուած է՝ 2025-08-13