Հայաստանի Բնութեան Պետական Թանգարան
Հայաստանի Բնութեան Պետական Թանգարան | |
|---|---|
 | |
| Տեսակ | թանգարան |
| Երկիր |
 Հայաստան |
| Տեղագրութիւն | Երեւան և Կեդրոն |
| Հասցէ | Տիգրան Մեծի 34, Երևան |
| Հիմնադրուած է | 1952 |
| 40°09′56″N 44°30′46″E / 40.165661°N 44.512711°E | |
| Կայքէջ | smn.am |
 | |
 | |
Հայաստանի բնութեան պետական թանգարան, հիմնադրուած է 1952 թուականին, կ՚արտացոլէ Հայաստանի ինքնատիպ բնական համալիրը, բնութեան բազմազանութիւնը, վերաբացուած է 2004 թուականին[1]։
Պատմութիւն
[Խմբագրել | Խմբագրել աղբիւրը]Խորհրդային տարիներուն հիմնուած էր հակակրօնական կոչուող իւրայատուկ թանգարան մը, որ 1952 թուականին վերակառուցուեցաւ որպէս բնագիտական թանգարան, այնուհետեւ 1960 թուականին վերանուանուեցաւ Հայաստանի բնութեան պետական թանգարան։ Կը գործէ ՀՀ բնապահպանութեան նախարարութեան համակարգին մէջ։
1999 թուականին թանգարանը տեղափոխուեցաւ նոր մասնաշէնք (թիւ 73 դպրոցի լուծարուած մասնաշէնքը), իսկ արդէն 2004 թուականին բացուեցաւ հիմնական ցուցադրութիւնը։ 2000-2004 թուականներուն իրանահայ բարերարներ Պելլաեւ Լեւոն Ահարոնեաններու մեկենասութեամբ թանգարանը հիմնովին վերակառուցուեցաւ ու նոր ցուցադրութեամբ ներկայացաւ այցելուներուն (տնօրէն՝ Իրէն Ֆրանգեան)։
Ցուցադրութիւն
[Խմբագրել | Խմբագրել աղբիւրը]Թանգարանի ֆոնտերուն մէջ առկայ են աւելի քան 6 հազար ցուցանմուշներ, որոնց մէկ երրորդը (շուրջ 2000-ը) կը ներկայացուի այցելուներուն մշտական եւ ժամանակաւոր ցուցադրութիւններուն մէջ։ Չորս սրահներուն մէջ կը ցուցադրուիեն ֆլորայի եւ ֆաունայի հազուագիւտ տեսակներ։ Թանգարանոին մէջ կը ներկայացուիէ բարեգործ եւ ազգանուէր Ահարոնեաններու ընտանիքի անհատական հաւաքածոն (վայրի կենդանիներու խրտուիլակներ)։
Հաւաքածոն կ՚արտացոլէ մեր երկրի բնութեան իւրայատկութիւններն ու ընդերքի հարստութիւնը։ Հիմնական ֆոնտին մէջ ներառուած են կենդանաբանական, բուսաբանական, երկրաբանական, կերպարուեստի լուսանկարներ։ Ներկայացուած են կաթնասուններու, թռչուններու, սողուններու, երկկենցաղներու, ձկներու, միջատներու, սարդակերպերու խրտուիլակներ, կմախքներ, մաշկեր, փափկամարմիններու խեցիներ, ծառերու կտրուածքներ, հերբարիումի, բրածոյ բոյսերու ու կենդանիներու, օգտակար հանածոներու նմուշներ, իւղաներկ կտաւներ, գծանկարներ եւ այլն։
Միջոցառումներ
[Խմբագրել | Խմբագրել աղբիւրը]Թանգարանին մէջ կը գործեն ցուցահանդէսներ, պարբերաբար կը կազմակերպուին միջոցառումներ, որոնց հիմնական նպատակն է բնապահպանական աշխարհայեացքի ձեւաւորումը եւ աշխոյժ մասնակցութիւնը էկոլոգիական խնդիրներու լուծման գործին մէջ։ Բնութեան թանգարանի նիւթերէն առաւել ուշագրաւ է առաջաւոր ասիական ընձառիւծը, կենդանական աշխարհի ներկայացուցիչներէն շատերը կը մտնեն Կարմիր գիրքի մէջ։
«Հայաստանի բնութեան պետական թանգարան» ՊՈԱԿ
[Խմբագրել | Խմբագրել աղբիւրը]«Հայաստանի բնութեան պետական թանգարան» ՊՈԱԿ-ի գործունէութիւնը եւ նպատակները համաձայն Կանոնադրութեան հաստատուած են 2003 թուականի 27 Փետրուարին[2]։
Կազմակերպութեան գործունէութեան առարկան եւ նպատակը բնակչութեան էկոլոգիական դաստիարակութեան եւ կրթութեան, ինչպէս նաեւ բնապահպանական քարոզչութեան իրականացման նպաստելն է։
Կազմակերպութիւնը կ՚իրականացնէ ձեռնարկատիրական գործունէութեան հետեւեալ տեսակները՝
- կազմակերպութիւններու կենդանի անկիւններու եւ միկրոթանգարաններու գեղարուեստական ձեւաւորումներ
- թանգարանին կից սիրողական ակումբներու (զարդաձկներու, դեկորատիւ թռչուններու) ցուցահանդէսներու կազմակերպում
- Հայաստանի Հանրապետութեան սակաւաքանակ վայրի կենդանիներու բազմացում՝ բնութեան վերադարձնելու նպատակով
- թանգարանային ցուցադրութիւններու նպատակով դեկորատիւ բոյսերու աճեցում, հերբերային բոյսերու մշակում
Մասնաճիւղեր
[Խմբագրել | Խմբագրել աղբիւրը]Հասցէ
[Խմբագրել | Խմբագրել աղբիւրը]Թանգարանը կը գտնուի Երեւանի կեդրոնը Տիգրան Մեծ 34 հասցէին վրայ։
Ծանօթագրութիւններ
[Խմբագրել | Խմբագրել աղբիւրը]- ↑ Երևանում վերաբացվեց ՀՀ բնության պետական թանգարանը
- ↑ «ՀՀ կառավարության Որոշում, 10 հոկտեմբերի 2002 թվականի N 1638-Ն»։ արխիւացուած է բնօրինակէն-էն՝ 2021 թ․ հունիսի 24-ին։ արտագրուած է՝ 2020 թ․ նոյեմբերի 22