Համընդհանուր Ընդունման Հայաստանեան Օր
| Համընդհանուր Ընդունման Հայաստանեան Օր | |
|---|---|
 | |
| Տեսակ | Միջազգային օր |
| Ամսաթիւ | 28 Մարտ |
| Կը տօնուի |
 Հայաստան |
| Կայք | uaday.am[1] |
Համընդհանուր Ընդունման Հայաստանեան Օր՝ UADay.am. «Համընդհանուր ընդունում» (Universal Acceptance) խորագիրը կրող համաշխարհային շարժման շրջանակին մէջ հայկական ազգային դոմէնային հասցէներու եւ անոնցմով գործարկուող էլեկտրոնային փոստերու միջազգայնացման ուղղութեամբ Հայաստանի մէջ պարբերաբար իրականացուած եւ իրականացուելիք առանձնայատուկ միջոցառում։ Հայաստանի մէջ այդ եւ նմանատիպ միջոցառումներու ծրագրումն ու իրականացումը ստանձնած է «Ինտէրնետ հանրութիւն» հասարակական կազմակերպութիւնը, որ տեղի կ՚ունենայ «Համընդհանուր ընդունում» (Universal Acceptance) համաշխարհային շարժման։ Կազմակերպութիւնը ձեւաւորած է աշխատանքային խումբ, որ արդէն ձեռնամուխ եղած է հայ դոմէնն աշխարհի մէջ ճանաչելի եւ ընդունելի դարձնելու քայլերու իրագործման[2]։
Աշխատանքային խումբը կը մշակէ նաեւ հայատառ էլեկտրոնային հասցէներու՝ անուն@էլ.փոստ.հայ համընդհանուր ընդունման տեխնիկական լուծումները։
2023 թուականի 28 Մարտին, երբ աշխարհի բազմաթիւ երկիրներու մէջ առաջին անգամ նշուեցաւ Համընդհանուր ընդունման օրը, Հայաստանը եւս իր մասնակցութիւնը բերաւ այդ միջազգային միջոցառման։
Երեւանի մէջ գումարուեցաւ տարածաշրջանային համաժողով, ուր ներկայացուեցան կատարուած աշխատանքներու արդիւնքները եւ հեռանկարները[3]։ Անոր կազմակերպման աշխատանքներուն, վերոնշեալ ՀԿ-ի հետ մէկտեղ, մասնակցեցան դոմէնային անուններու եւ IP հասցէներու գրանցման ինտէրնետ կորպորացիան՝ ICANN-ը, Ինտէրնետ հասարակութեան Հայաստան հատուածը։ Բանախօսներն էին AMNIC նախագահ Իգոր Մկրտումեանը, «Ինտէրնետ հանրութիւն» ՀԿ-ի խորհուրդի անդամ Վեսմիրա Յարութիւնեանը, AMNIC-ի տեխնիկական ադմինիստրատորի տեղակալ Արամ Վերդեանը, «Ինտէրնետ տեխնոլոգիաներու կենտրոն» ՍՊԸ-ի տնօրէն Քրիստինա Յակոբեանը, AMNIC-ի ադմինիստրատոր Աննա Կարախանեանը, ոլորտի մէջ ճանաչում ու համբաւ վայելող այլ մասնագէտներ։ Անոնք հանգամանօրէն խօսեցան IDN-ի զարգացումը խթանող նախաձեռնութիւններու ու ծրագրերու, IDN-ի ներդրման ու հայատառ էլեկտրոնային հասցէներու (EAI) կիրառման, «Համընդհանուր ճանաչման» գործընթացին մէջ կառավարութեան հետ համագործակցութեան, «Համընդհանուր ճանաչում» շարժման նորութիւններու եւ ընդհանուր հետաքրքրութիւն ներկայացնող ու կարեւոր այլ հարցերու մասին։
Ծանօթագրութիւններ
[Խմբագրել | Խմբագրել աղբիւրը]- ↑ Universal Acceptance in Armenia
- ↑ Համընդհանուր ընդունումը Հայաստանում
- ↑ «Համընդհանուր ընդունում՝ .հայ-ի առաջխաղացման ջանքերը շարունակվում են»։ iTel.am։ արտագրուած է՝ 2024 թ․ սեպտեմբերի 22